المعجم الأوسط
باب الميم— حرفِ میم سے شروع ہونے والے ناموں کا بیان۔
مَنِ اسْمُهُ مُحَمَّدٌ باب: ان راویوں کا بیان جن کا نام محمد ہے۔
حَدَّثَنَا مُحَمَّدُ بْنُ عُثْمَانَ أَبُو عُمَرَ الضَّرِيرُ ، قَالَ : نَا أَحْمَدُ بْنُ يُونُسَ ، قَالَ : نَا فُضَيْلُ بْنُ عِيَاضٍ ، عَنِ الْأَعْمَشِ ، عَنِ الْمَعْرُورِ بْنِ سُوَيْدٍ ، عَنْ أَبِي ذَرٍّ ، قَالَ : كُنْتُ مَعَ النَّبِيِّ صَلَّى اللهُ عَلَيْهِ وَسَلَّمَ فِي الْمَسْجِدِ ، فَقَالَ : انْظُرْ أَيَّ رَجُلٍ تَرَى فِي عَيْنِكَ أَرْفَعَ ، فَنَظَرْتُ ، فَإِذَا رَجُلٌ عَلَيْهِ حُلَّةٌ ، وَحَوْلَهُ نَاسٌ ، قُلْتُ : هَذَا ، قَالَ : انْظُرْ أَيَّ رَجُلٍ تَرَى أَدْنَى فِي عَيْنِكَ ، فَنَظَرْتُ فَإِذَا رَجُلٌ عَلَيْهِ كِسَاءٌ ، قُلْتُ : هَذَا ، قَالَ : هَذَا خَيْرٌ عِنْدَ اللهِ يَوْمَ الْقِيَامَةِ مِنْ قُرَابِ الْأَرْضِ مِثْلَ هَذَا .
لَمْ يَرْوِ هَذَا الْحَدِيثَ عَنْ فُضَيْلِ بْنِ عِيَاضٍ إِلَّا أَحْمَدُ بْنُ يُونُسَ .
سیدنا ابوذر رضی اللہ عنہ بیان کرتے ہیں: ”میں مسجد میں نبی کریم ﷺ کے ساتھ تھا، تو آپ ﷺ نے فرمایا: ”دیکھو، تمہاری نظر میں کون سا آدمی سب سے بلند مرتبہ لگتا ہے؟“ میں نے نظر دوڑائی تو ایک آدمی نظر آیا جس پر قیمتی جوڑا تھا اور اس کے گرد لوگ جمع تھے، میں نے عرض کیا: ”یہ۔“ آپ ﷺ نے فرمایا: ”اب دیکھو، تمہاری نظر میں کون سا آدمی سب سے کم مرتبہ لگتا ہے؟“ میں نے دیکھا تو ایک آدمی نظر آیا جس پر ایک موٹی چادر تھی، میں نے عرض کیا: ”یہ۔“ آپ ﷺ نے فرمایا: ”یہ شخص قیامت کے دن اللہ کے نزدیک اس جیسے زمین بھر کے لوگوں سے بہتر ہوگا۔“
امام طبرانی رحمہ اللہ فرماتے ہیں: ”اس حدیث کو فضیل بن عیاض رحمہ اللہ سے احمد بن یونس رحمہ اللہ کے سوا کسی نے روایت نہیں کیا۔“