المعجم الأوسط
باب الميم— حرفِ میم سے شروع ہونے والے ناموں کا بیان۔
مَنِ اسْمُهُ مُحَمَّدٌ باب: ان راویوں کا بیان جن کا نام محمد ہے۔
حَدَّثَنَا مُحَمَّدُ بْنُ عَبْدِ اللهِ الْحَضْرَمِيُّ قَالَ : ثَنَا أَبُو بِلَالٍ الْأَشْعَرِيُّ قَالَ : ثَنَا حُصَيْنُ بْنُ ذَيَّالٍ الْجُعْفِيُّ قَالَ : قَالَ رَجُلٌ لِلْحَسَنِ بْنِ صَالِحِ بْنِ حَيٍّ : أَمْسَحُ عَلَى الْخُفَّيْنِ ؟ قَالَ : نَعَمْ . قَالَ : فَإِنْ قَالَ لِي رَبِّي : مَنْ أَمَرَكَ بِهَذَا ؟ قَالَ : قُلِ : الْحَسَنُ بْنُ صَالِحِ بْنِ حَيٍّ قَالَ : فَإِنْ قِيلَ لَكَ أَنْتَ ؟ قَالَ : أَقُولُ : أَمَرَنِي مَنْصُورُ بْنُ الْمُعْتَمِرِ قَالَ : فَإِنْ قِيلَ لِمَنْصُورٍ ؟ قَالَ : يَقُولُ : أَمَرَنِي إِبْرَاهِيمُ قَالَ : فَإِنْ قِيلَ لِإِبْرَاهِيمَ ؟ قَالَ : يَقُولُ : أَمَرَنِي هَمَّامُ بْنُ الْحَارِثِ قَالَ : فَإِنْ قِيلَ لِهَمَّامِ بْنِ الْحَارِثِ ؟ قَالَ : يَقُولُ : أَمَرَنِي جَرِيرُ بْنُ عَبْدِ اللهِ قَالَ : فَإِنْ قِيلَ لِجَرِيرٍ ؟ قَالَ : يَقُولُ : أَمَرَنِي رَسُولُ اللهِ صَلَّى اللهُ عَلَيْهِ وَسَلَّمَ .
لَمْ يَرْوِ هَذَا الْحَدِيثَ عَنِ الْحَسَنِ بْنِ صَالِحٍ إِلَّا حُصَيْنُ بْنُ ذَيَّالٍ ، تَفَرَّدَ بِهِ : أَبُو بِلَالٍ .
حصین بن ذیال جعفی رحمہ اللہ بیان کرتے ہیں کہ ایک شخص نے امام حسن بن صالح بن حی رحمہ اللہ سے پوچھا: ”کیا میں موزوں پر مسح کروں؟“ انہوں نے فرمایا: ”ہاں۔“ اس نے کہا: ”اگر میرا رب مجھ سے پوچھے کہ تجھے اس کا حکم کس نے دیا تھا؟“ فرمایا: ”کہہ دینا کہ حسن بن صالح بن حی نے۔“ اس نے کہا: ”اگر آپ سے پوچھا جائے؟“ فرمایا: ”میں کہوں گا کہ مجھے منصور بن معتمر رحمہ اللہ نے حکم دیا۔“ اس نے کہا: ”اگر منصور سے پوچھا جائے؟“ فرمایا: ”وہ کہیں گے کہ مجھے ابراہیم رحمہ اللہ نے حکم دیا۔“ اس نے کہا: ”اگر ابراہیم سے پوچھا جائے؟“ فرمایا: ”وہ کہیں گے کہ مجھے ہمام بن حارث رحمہ اللہ نے حکم دیا۔“ اس نے کہا: ”اگر ہمام بن حارث سے پوچھا جائے؟“ فرمایا: ”وہ کہیں گے کہ مجھے سیدنا جریر بن عبداللہ رضی اللہ عنہ نے حکم دیا۔“ اس نے کہا: ”اگر جریر سے پوچھا جائے؟“ فرمایا: ”وہ کہیں گے کہ مجھے رسول اللہ ﷺ نے حکم دیا۔“
امام طبرانی رحمہ اللہ فرماتے ہیں: ”اس حدیث کو حسن بن صالح رحمہ اللہ سے حصین بن ذیال کے سوا کسی نے روایت نہیں کیا، اور ابو بلال اس کی روایت میں منفرد ہیں۔“
