المعجم الأوسط

حَدَّثَنَا مُحَمَّدُ بْنُ الْفَضْلِ السَّقَطِيُّ قَالَ : نَا أَبُو حَفْصٍ الصَّفَّارُ أَحْمَدُ بْنُ مُحَمَّدٍ قَالَ : نَا عَاصِمُ بْنُ هِلَالٍ الْبَارِقِيُّ ، عَنْ أَيُّوبَ السَّخْتِيَانِيِّ ، عَنْ عَمْرِو بْنِ شُعَيْبٍ ، عَنْ أَبِيهِ ، عَنْ جَدِّهِ قَالَ : سَأَلَ رَجُلٌ النَّبِيَّ صَلَّى اللهُ عَلَيْهِ وَسَلَّمَ ، فَقَالَ : يَا رَسُولَ اللهِ ، مَا تَقُولُ فِي ضَالَّةِ الْغَنَمِ ؟ قَالَ : لَكَ ، أَوْ لِأَخِيكَ ، أَوْ لِلذِّئْبِ قَالَ : يَا رَسُولَ اللهِ ، فَمَا تَقُولُ فِي التَّمْرِ الْمُعَلَّقِ ؟ قَالَ : I " غَرَامَتُهُ ، وَمِثْلُهُ مَعَهُ ، وَجَلَدَاتُ نَكَالٍ ، فَإِذَا أَوَاهُ الْجَرِينُ ، فَمَا بَلَغَ ثَمَنَ الْمِجَنِّ فَفِيهِ الْقَطْعُ I " قَالَ : يَا رَسُولَ اللهِ ، مَا تَقُولُ فِي حَرِيسَةِ الْجَبَلِ ؟ قَالَ : I " غَرَامَتُهَا ، وَمِثْلُهَا مَعَهَا I " قَالَ : يَا رَسُولَ اللهِ ، مَا تَقُولُ فِي اللُّقَطَةِ ؟ قَالَ : I " مَا كَانَ مِنْهَا فِي قَرْيَةٍ مَعْمُورَةٍ أَوْ فِي طَرِيقٍ مِيتَاءٍ ، فَعَرِّفْهُ حَوْلًا ، فَإِنْ وَجَدْتَ صَاحِبَهَا ، وَإِلَّا فَإِنَّمَا هُوَ مَالُ اللهِ يُؤْتِيهِ مَنْ يَشَاءُ ، وَفِي الرِّكَازِ الْخُمُسُ .
I " لَمْ يَرْوِ هَذَا الْحَدِيثَ عَنْ أَيُّوبَ إِلَّا عَاصِمُ بْنُ هِلَالٍ ، وَدَاوُدُ بْنُ الزِّبْرِقَانِ I " .

عمرو بن شعیب رحمہ اللہ اپنے والد سے اور وہ اپنے دادا (سیدنا عبداللہ بن عمرو رضی اللہ عنہما) سے روایت کرتے ہیں کہ ایک آدمی نے نبی ﷺ سے پوچھا: ”اے اللہ کے رسول! گمشدہ بکری کے بارے میں آپ کیا فرماتے ہیں؟“ آپ ﷺ نے فرمایا: ”وہ تیرے لیے ہے، یا تیرے بھائی کے لیے، یا بھیڑیے کے لیے۔“ اس نے پوچھا: ”اے اللہ کے رسول! درخت پر لٹکی ہوئی کھجوروں کے بارے میں آپ کیا فرماتے ہیں؟“ آپ ﷺ نے فرمایا: ”(جو ضرورت کے لیے کھائے اور ساتھ نہ لے جائے اس پر کچھ نہیں، اور جو لے جائے) اس پر اس کا تاوان اور اتنا ہی مزید جرمانہ ہے اور عبرت ناک سزا کے کوڑے ہیں، اور جب انہیں کھلیان میں سمیٹ کر رکھ لیا جائے تو (چوری کی صورت میں) جو مال ڈھال کی قیمت کو پہنچ جائے اس میں ہاتھ کاٹا جائے گا۔“ اس نے پوچھا: ”اے اللہ کے رسول! پہاڑ میں چرنے والے جانور (جو چوری کر لیا جائے) اس کے بارے میں آپ کیا فرماتے ہیں؟“ آپ ﷺ نے فرمایا: ”اس کا تاوان اور اتنا ہی مزید جرمانہ ہے۔“ اس نے پوچھا: ”اے اللہ کے رسول! گری پڑی چیز (لقطہ) کے بارے میں آپ کیا فرماتے ہیں؟“ آپ ﷺ نے فرمایا: ”جو چیز آباد بستی میں یا چلتے ہوئے راستے میں ملے، اس کا ایک سال تک اعلان کرتے رہو، اگر اس کا مالک مل جائے (تو اسے دے دو) ورنہ وہ اللہ کا مال ہے، وہ جسے چاہتا ہے عطا کرتا ہے۔ اور دفینے میں پانچواں حصہ (خمس) واجب ہے۔“
امام طبرانی رحمہ اللہ فرماتے ہیں: ”اس حدیث کو ایوب سے عاصم بن ہلال اور داود بن زبرقان کے سوا کسی نے روایت نہیں کیا۔“