المعجم الأوسط
باب العين— حرفِ عین سے شروع ہونے والے ناموں کا بیان۔
مَنِ اسْمُهُ عِيسَى باب: ان راویوں کا بیان جن کا نام عیسیٰ ہے۔
حَدَّثَنَا عِيسَى بْنُ مُحَمَّدٍ السِّمْسَارُ قَالَ : نَا سُلَيْمَانُ بْنُ دَاوُدَ بْنِ ثَابِتٍ الْوَاسِطِيُّ قَالَ : نَا مُحَمَّدُ بْنُ مَاهَانَ بْنِ أَبِي حَنِيفَةَ قَالَ : نَا الْقَاسِمُ بْنُ عَبْدِ اللهِ بْنِ عُمَرَ ، عَنْ زَيْدِ بْنِ أَسْلَمَ ، عَنِ ابْنِ عُمَرَ قَالَ : اخْتَصَمَ رَجُلَانِ إِلَى النَّبِيِّ صَلَّى اللهُ عَلَيْهِ وَسَلَّمَ ، فَقَالَ : إِنَّمَا أَنَا بَشَرٌ ، أَقْضِي بَيْنَكُمْ بِمَا أَسْمَعُ مِنْكُمْ ، وَلَعَلَّ أَحَدَكُمْ أَلْحَنُ بِحُجَّتِهِ مِنْ أَخِيهِ ، فَمَنْ قَضَيْتُ لَهُ مِنْ حَقِّ أَخِيهِ شَيْئًا فَإِنَّمَا أَقْطَعُ لَهُ قِطْعَةً مِنَ النَّارِ .
لَا يُرْوَى هَذَا الْحَدِيثُ عَنِ ابْنِ عُمَرَ إِلَّا بِهَذَا الْإِسْنَادِ ، تَفَرَّدَ بِهِ : الْقَاسِمُ بْنُ عَبْدِ اللهِ بْنِ عُمَرَ I " .
سیدنا ابن عمر رضی اللہ عنہما سے روایت ہے کہ دو آدمی نبی ﷺ کے پاس ایک جھگڑا لے کر آئے، تو آپ ﷺ نے فرمایا: ”میں تو محض ایک انسان ہی ہوں، میں تمہارے درمیان اسی کی بنیاد پر فیصلہ کرتا ہوں جو تم سے سنتا ہوں؛ اور بسا اوقات ایسا ہوتا ہے کہ تم میں سے کوئی اپنے بھائی کی نسبت اپنی دلیل پیش کرنے میں زیادہ چرب زبان ہوتا ہے، تو میں (اس کی لچھے دار گفتگو سے متاثر ہو کر) جس کے حق میں اس کے بھائی کے حق کا کچھ حصہ فیصلہ کر دوں، تو درحقیقت میں اس کے لیے آگ کا ایک ٹکڑا کاٹ رہا ہوں۔“
یہ حدیث سیدنا ابن عمر رضی اللہ عنہما سے صرف اسی سند کے ساتھ مروی ہے، اور القاسم بن عبداللہ بن عمر رحمہ اللہ اس کی روایت میں منفرد ہیں۔