المعجم الأوسط
باب العين— حرفِ عین سے شروع ہونے والے ناموں کا بیان۔
مَنِ اسْمُهُ عُمَرُ باب: ان راویوں کا بیان جن کا نام عمر ہے۔
حَدَّثَنَا عُمَرُ بْنُ حَفْصٍ السَّدُوسِيُّ قَالَ : نَا عَاصِمُ بْنُ عَلِيٍّ قَالَ : نَا عِكْرِمَةُ بْنُ عَمَّارٍ ، عَنْ يَحْيَى بْنِ أَبِي كَثِيرٍ ، عَنْ أَبِي سَلَمَةَ بْنِ عَبْدِ الرَّحْمَنِ ، عَنْ جَابِرِ بْنِ عَبْدِ اللهِ قَالَ : لَمَّا كَانَ يَوْمَ خَيْبَرَ أَصَابَ النَّاسَ مَجَاعَةٌ فَأَخَذُوا الْحُمُرَ الْأَهْلِيَّةَ فَذَبَحُوهَا ، وَأَغْلُوا مِنْهَا الْقُدُورَ ، فَبَلَغَ ذَلِكَ النَّبِيَّ صَلَّى اللهُ عَلَيْهِ وَسَلَّمَ ، قَالَ جَابِرٌ : فَأَمَرَنَا رَسُولُ اللهِ صَلَّى اللهُ عَلَيْهِ وَسَلَّمَ ، فَكَفَأْنَا الْقُدُورَ وَقَالَ : إِنَّ اللهَ سَيَأْتِيكُمْ بِرِزْقٍ هُوَ أَحَلُّ لَكُمْ مِنْ هَذَا وَأَطْيَبُ مِنْ ذَاكَ قَالَ : فَكَفَأْنَا يَوْمَئِذٍ الْقُدُورَ وَهِيَ تَغْلِي قَالَ : I " فَحَرَّمَ رَسُولُ اللهِ صَلَّى اللهُ عَلَيْهِ وَسَلَّمَ لُحُومَ الْحُمُرِ الْإِنْسِيَّةِ ، وَلُحُومَ الْخَيْلِ وَالْبِغَالِ ، وَكُلَّ ذِي نَابٍ مِنَ السِّبَاعِ ، وَكُلَّ ذِي مِخْلَبٍ مِنَ الطَّيْرِ ، وَحَرَّمَ الْمُجَثَّمَةَ ، وَالْخُلْسَةَ ، وَالنُّهْبَةَ .
لَمْ يَرْوِ هَذَا الْحَدِيثَ عَنْ يَحْيَى بْنِ أَبِي كَثِيرٍ إِلَّا عِكْرِمَةُ بْنُ عَمَّارٍ .
سیدنا جابر بن عبداللہ رضی اللہ عنہما سے روایت ہے کہ خیبر کے دن لوگوں کو شدید بھوک لاحق ہوئی تو انہوں نے پالتو گدھے پکڑ کر ذبح کر لیے اور ان کے گوشت سے ہانڈیاں چڑھا دیں، یہ بات نبی کریم ﷺ تک پہنچی۔ سیدنا جابر رضی اللہ عنہما کہتے ہیں: رسول اللہ ﷺ نے ہمیں حکم دیا تو ہم نے ہانڈیاں الٹ دیں، اور آپ ﷺ نے فرمایا: ”اللہ تعالیٰ عنقریب تمہیں ایسا رزق عطا فرمائے گا جو اس سے کہیں زیادہ حلال اور اس سے کہیں زیادہ پاکیزہ ہوگا۔“ وہ کہتے ہیں: اس دن ہم نے ہانڈیاں اس حال میں الٹ دیں کہ وہ ابھی جوش مار رہی تھیں۔ پھر رسول اللہ ﷺ نے پالتو گدھوں کا گوشت، گھوڑوں اور خچروں کا گوشت، کچلی والے ہر درندے اور پنجے والے ہر پرندے کو حرام قرار دیا، نیز مُجَثَّمہ (باندھ کر تیر وغیرہ کا نشانہ بنایا گیا جانور)، خُلسہ (اچکا لینا، یعنی جھپٹ کر چھین لینا) اور نُہبہ (لوٹ مار) کو بھی حرام ٹھہرایا۔
امام طبرانی رحمہ اللہ فرماتے ہیں: ”یحییٰ بن ابی کثیر سے یہ حدیث عکرمہ بن عمار کے سوا کسی نے روایت نہیں کی۔“