المعجم الأوسط
باب السين— حرفِ سین سے شروع ہونے والے ناموں کا بیان۔
مَنِ اسْمُهُ سَلَمَةُ باب: ان راویوں کا بیان جن کا نام سلمہ ہے۔
حَدَّثَنَا سَلَمَةُ بْنُ إِبْرَاهِيمَ قَالَ : حَدَّثَنِي أَبِي ، عَنْ أَبِيهِ ، عَنْ جَدِّهِ ، عَنْ سَلَمَةَ بْنِ كُهَيْلٍ ، عَنِ الشَّعْبِيِّ ، عَنْ مَسْرُوقٍ ، عَنْ عَائِشَةَ ، أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ لِأَصْحَابِهِ : أَيُّكُمْ أَصْبَحَ صَائِمًا ؟ قَالَ أَبُو بَكْرٍ : أَنَا . قَالَ : I " أَيُّكُمْ عَادَ مَرِيضًا ؟ I " قَالَ أَبُو بَكْرٍ : أَنَا ، قَالَ I " أَيُّكُمْ شَيَّعَ جِنَازَةً ؟ I " قَالَ أَبُو بَكْرٍ : أَنَا ، فَقَالَ النَّبِيُّ صَلَّى اللهُ عَلَيْهِ وَسَلَّمَ : I " هَنِيئًا ، مَنْ كَمُلَتْ لَهُ هَذِهِ بَنَى اللهُ لَهُ بَيْتًا فِي الْجَنَّةِ .
لَمْ يَرْوِ هَذِهِ الْأَحَادِيثَ ، عَنْ سَلَمَةَ بْنِ كُهَيْلٍ إِلَّا ابْنُهُ يَحْيَى ، وَلَا يُرْوَى عَنْ أَبِيهِ إِلَّا بِهَذَا الْإِسْنَادِ .
ام المومنین سیدہ عائشہ رضی اللہ عنہا سے روایت ہے کہ نبی کریم ﷺ نے اپنے صحابہ رضی اللہ عنہم سے پوچھا: ”تم میں سے کس نے آج روزے کی حالت میں صبح کی؟“ سیدنا ابوبکر رضی اللہ عنہ نے عرض کیا: ”میں نے۔“ آپ ﷺ نے پوچھا: ”تم میں سے کس نے آج کسی مریض کی عیادت کی؟“ سیدنا ابوبکر رضی اللہ عنہ نے عرض کیا: ”میں نے۔“ آپ ﷺ نے پوچھا: ”تم میں سے کون آج کسی جنازے کے ساتھ گیا؟“ سیدنا ابوبکر رضی اللہ عنہ نے عرض کیا: ”میں۔“ تو نبی کریم ﷺ نے فرمایا: ”مبارک ہو! جس شخص میں یہ سب خصلتیں جمع ہو جائیں، اللہ تعالیٰ اس کے لیے جنت میں ایک گھر بنا دیتا ہے۔“
امام طبرانی رحمہ اللہ فرماتے ہیں: ”ان احادیث کو سلمہ بن کہیل رحمہ اللہ سے ان کے بیٹے یحییٰ کے سوا کسی نے روایت نہیں کیا، اور ان کے والد سے یہ روایت صرف اسی سند سے مروی ہے۔“