المعجم الأوسط

وَبِهِ عَنْ أَبِي قَيْسٍ ، مَوْلَى عَمْرِو بْنِ الْعَاصِ قَالَ : أَرْسَلَنِي عَبْدُ اللهِ بْنُ عَمْرِو بْنِ الْعَاصِ إِلَى أُمِّ سَلَمَةَ زَوْجِ النَّبِيِّ صَلَّى اللهُ عَلَيْهِ وَسَلَّمَ ، فَقَالَ : سَلْهَا : هَلْ كَانَ رَسُولُ اللهِ صَلَّى اللهُ عَلَيْهِ وَسَلَّمَ يُقَبِّلُ وَهُوَ صَائِمٌ ؟ فَإِنْ قَالَتْ : لَا ، فَقُلْ : أَمَا إِنَّ عَائِشَةَ تُحَدِّثُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ يُقَبِّلُ وَهُوَ صَائِمٌ . فَقَالَ أَبُو قَيْسٍ : فَجِئْتُهَا ، فَقَالَتْ : أَحُرٌّ أَمْ مَمْلُوكٌ ؟ فَقُلْتُ : مَمْلُوكٌ ، فَقَالَتِ : ادْنُهْ ، فَدَنَوْتُ فَقُلْتُ : إِنَّ عَبْدَ اللهِ بْنَ عَمْرٍو أَرْسَلَنِي إِلَيْكِ أَسْأَلُكِ : هَلْ كَانَ رَسُولُ اللهِ صَلَّى اللهُ عَلَيْهِ وَسَلَّمَ يُقَبِّلُ وَهُوَ صَائِمٌ ؟ فَقَالَتْ : لَا ، فَقُلْتُ : إِنَّ عَائِشَةَ تُحَدِّثُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ كَانَ يُقَبِّلُ وَهُوَ صَائِمٌ I " ؟ فَقَالَتْ : لَعَلَّهُ كَانَ يُقَبِّلُهَا ، إِنَّهُ لَمْ يَكُنْ يَتَمَالَكُ لَهَا حُبًّا .
لَا يُرْوَى هَذَا الْحَدِيثُ عَنْ عَبْدِ اللهِ بْنِ عَمْرٍو ، عَنْ عَائِشَةَ إِلَّا بِهَذَا الْإِسْنَادِ ، تَفَرَّدَ بِهِ مُوسَى .

سیدنا عمرو بن عاص رضی اللہ عنہ کے مولیٰ ابو قیس رحمہ اللہ بیان کرتے ہیں کہ سیدنا عبداللہ بن عمرو بن عاص رضی اللہ عنہما نے مجھے نبی ﷺ کی زوجہ ام المومنین سیدہ ام سلمہ رضی اللہ عنہا کے پاس بھیجا اور فرمایا: ”ان سے دریافت کرو کہ کیا رسول اللہ ﷺ روزہ کی حالت میں بوسہ لیتے تھے؟ اگر وہ کہیں کہ ”نہیں“، تو ان سے کہنا کہ سیدہ عائشہ رضی اللہ عنہا تو بیان کرتی ہیں کہ رسول اللہ ﷺ روزہ کی حالت میں بوسہ لیتے تھے۔“ ابو قیس رحمہ اللہ کہتے ہیں کہ میں ان کی خدمت میں حاضر ہوا تو انہوں نے پوچھا: ”تم آزاد ہو یا غلام؟“ میں نے عرض کیا: ”غلام ہوں۔“ انہوں نے فرمایا: ”قریب آ جاؤ۔“ چنانچہ میں قریب ہو گیا اور عرض کیا: ”سیدنا عبداللہ بن عمرو رضی اللہ عنہما نے مجھے آپ کے پاس یہ دریافت کرنے کے لیے بھیجا ہے کہ کیا رسول اللہ ﷺ روزہ کی حالت میں بوسہ لیتے تھے؟“ انہوں نے فرمایا: ”نہیں۔“ میں نے عرض کیا: ”سیدہ عائشہ رضی اللہ عنہا تو بیان کرتی ہیں کہ رسول اللہ ﷺ روزہ کی حالت میں بوسہ لیتے تھے؟“ تو انہوں نے فرمایا: ”شاید وہ انہیں بوسہ دیتے ہوں، کیونکہ وہ ان کی محبت میں خود پر قابو نہیں رکھ پاتے تھے۔“
یہ حدیث سیدنا عبداللہ بن عمرو رضی اللہ عنہما کے واسطے سے سیدہ عائشہ رضی اللہ عنہا سے صرف اسی سند کے ساتھ مروی ہے، اور اسے بیان کرنے میں موسیٰ رحمہ اللہ منفرد ہیں۔