المعجم الأوسط

حَدَّثَنَا بَكْرٌ ، قَالَ : نَا شُعَيْبُ بْنُ يَحْيَى ، قَالَ : أَنَا يَحْيَى بْنُ أَيُّوبَ ، عَنْ حُمَيْدٍ الطَّوِيلِ أَنَّهُ سَمِعَ أَنَسَ بْنَ مَالِكٍ يَقُولُ : قَالَ رَسُولُ اللهِ صَلَّى اللهُ عَلَيْهِ وَسَلَّمَ : مَنْ أَحَبَّ لِقَاءَ اللهِ أَحَبَّ اللهُ لِقَاءَهُ ، وَمَنْ كَرِهَ لِقَاءَ اللهِ كَرِهَ اللهُ لِقَاءَهُ I " . قَالُوا : يَا رَسُولَ اللهِ ، فَمَا مِنَّا أَحَدٌ إِلَّا وَهُوَ يَكْرَهُ الْمَوْتَ ، فَقَالَ : I " إِنَّهُ لَيْسَ ذَاكَ ، إِنَّ الْمُؤْمِنَ إِذَا جَاءَ الْبَشِيرُ مِنَ اللهِ أَحَبَّ لِقَاءَ اللهِ ، وَكَانَ اللهُ لِلِقَائِهِ أَحَبَّ ، وَإِنَّ الْكَافِرَ إِذَا جَاءَهُ مَا يَكْرَهُ كَرِهَ لِقَاءَ اللهِ وَكَانَ اللهُ عَزَّ وَجَلَّ لِلِقَائِهِ أَكْرَهَ .

سیدنا انس بن مالک رضی اللہ عنہ سے روایت ہے کہ رسول اللہ ﷺ نے فرمایا: ”جو شخص اللہ سے ملاقات کو پسند کرتا ہے، اللہ بھی اس سے ملاقات کو پسند فرماتا ہے، اور جو اللہ سے ملاقات کو ناپسند کرتا ہے، اللہ بھی اس سے ملاقات کو ناپسند فرماتا ہے۔“
صحابہ نے عرض کیا: ”اے اللہ کے رسول ﷺ! ہم میں سے تو ہر کوئی موت کو ناپسند کرتا ہے۔“
آپ ﷺ نے فرمایا: ”اس کا یہ مطلب نہیں ہے؛ بلکہ حقیقت یہ ہے کہ مومن کے پاس جب اللہ کی طرف سے خوشخبری دینے والا (فرشتہ) آتا ہے تو وہ اللہ سے ملاقات کو پسند کرنے لگتا ہے اور اللہ بھی اس سے ملاقات کو زیادہ پسند فرماتا ہے، اور جب کافر کے پاس وہ (منظر) آتا ہے جسے وہ ناپسند کرتا ہے تو وہ اللہ سے ملاقات کو ناپسند کرنے لگتا ہے اور اللہ عزوجل بھی اس سے ملاقات کو کہیں زیادہ ناپسند فرماتا ہے۔“