المعجم الأوسط

حَدَّثَنَا إِبْرَاهِيمُ ، قَالَ : نَا بِشْرُ بْنُ سَيْحَانَ ، قَالَ : نَا حَلْبَسُ بْنُ مُحَمَّدٍ الْكِلَابِيُّ ، قَالَ : نَا سُفْيَانُ الثَّوْرِيُّ ، عَنْ أَبِي الزِّنَادِ ، عَنِ الْأَعْرَجِ ، عَنْ أَبِي هُرَيْرَةَ ، أَنَّ رَجُلًا أَتَى النَّبِيَّ - صَلَّى اللهُ عَلَيْهِ وَسَلَّمَ - فَقَالَ : يَا رَسُولَ اللهِ ، إِنِّي زَوَّجْتُ ابْنَتِي وَإِنِّي أُحِبُّ أَنْ تُعِينَنِي بِشَيْءٍ ، فَقَالَ : مَا عِنْدِي مِنْ شَيْءٍ ، وَلَكِنْ إِذَا كَانَ غَدًا فَتَعَالَ فَجِئْنِي بِقَارُورَةٍ وَاسِعَةِ الرَّأْسِ وَعُودِ شَجَرٍ ، وَآيَةٌ بَيْنِي وَبَيْنَكَ أَنْ أُجِيفَ نَاحِيَةَ الْبَابِ I " قَالَ : فَأَتَاهُ بِقَارُورَةٍ وَاسِعَةِ الرَّأْسِ وَعُودِ شَجَرٍ ، فَجَعَلَ يَسْلُتُ الْعَرَقَ مِنْ ذِرَاعَيْهِ حَتَّى امْتَلَأَتِ الْقَارُورَةُ ، فَقَالَ : I " خُذْ ، وَأْمُرْ بِنْتَكَ إِذَا أَرَادَتْ أَنْ تَطَيَّبَ أَنْ تَغْمِسَ هَذَا الْعُودَ فِي الْقَارُورَةِ وَتَطَيَّبَ بِهِ ، I " قَالَ : فَكَانَتْ إِذَا تَطَيَّبَتْ شَمَّ أَهْلُ الْمَدِينَةِ رَائِحَةَ ذَلِكَ الطِّيبِ ، فَسُمُّوا بَيْتَ الْمُطَيَّبِينَ .
لَمْ يَرْوِ هَذَا الْحَدِيثَ عَنْ أَبِي الزِّنَادِ إِلَّا سُفْيَانُ ، وَلَا عَنْ سُفْيَانَ إِلَّا حَلْبَسٌ ، تَفَرَّدَ بِهِ بِشْرٌ .

سیدنا ابوہریرہ رضی اللہ عنہ سے روایت ہے کہ ایک شخص نبی اکرم ﷺ کی خدمت میں حاضر ہوا اور عرض کی: ”اے اللہ کے رسول! میں نے اپنی بیٹی کی شادی کر دی ہے اور میری خواہش ہے کہ آپ کسی چیز کے ذریعے میری مدد فرمائیں۔“ آپ ﷺ نے فرمایا: ”میرے پاس (دینے کے لیے) کوئی چیز نہیں ہے، لیکن جب کل ہو تو تم ایک چوڑے منہ والی بوتل اور درخت کی ایک ٹہنی لے کر میرے پاس آنا، اور میرے اور تمہارے درمیان نشانی یہ ہے کہ میں دروازے کا ایک رخ بند کر دوں گا۔“ راوی کہتے ہیں: پھر وہ شخص آپ ﷺ کے پاس ایک چوڑے منہ والی بوتل اور لکڑی کی ٹہنی لے کر حاضر ہوا، تو آپ ﷺ اپنے دونوں بازوؤں سے عرقِ مبارک پونچھ پونچھ کر اس بوتل میں جمع کرنے لگے یہاں تک کہ وہ بھر گئی۔ پھر آپ ﷺ نے فرمایا: ”اسے لے جاؤ اور اپنی بیٹی کو حکم دینا کہ جب وہ خوشبو لگانا چاہے تو اس لکڑی کو بوتل میں ڈبوئے اور اس سے خوشبو لگائے۔“ راوی کہتے ہیں: چنانچہ وہ لڑکی جب بھی خوشبو لگاتی تو تمام اہل مدینہ اس خوشبو کی مہک محسوس کرتے تھے، اسی وجہ سے ان کے گھرانے کا نام «بیت المطیبین» (خوشبو والوں کا گھرانہ) پڑ گیا۔
امام طبرانی رحمہ اللہ فرماتے ہیں: ”اس حدیث کو ابوالزناد رحمہ اللہ سے صرف سفیان رحمہ اللہ نے، اور سفیان رحمہ اللہ سے صرف حلبس رحمہ اللہ نے روایت کیا ہے، جبکہ اس کی روایت میں بشر رحمہ اللہ منفرد ہیں۔“