المعجم الأوسط

حَدَّثَنَا أَحْمَدُ بْنُ زُهَيْرٍ ، قَالَ : نَا أَحْمَدُ بْنُ مَنْصُورٍ الرَّمَادِيُّ قَالَ : نَا عَبْدُ الصَّمَدِ بْنُ النُّعْمَانِ قَالَ : نَا الْمِنْهَالُ بْنُ خَلِيفَةَ ، عَنِ الْأَزْرَقِ بْنِ قَيْسٍ قَالَ : صَلَّى لَنَا إِمَامٌ يُكْنَى أَبَا رِمْثَةَ فِي مُصَلَّانَا الْعَصْرَ ، وَمَعَنَا رَجُلٌ شَهِدَ تَكْبِيرَةَ الْأُولَى ، فَلَمَّا انْصَرَفَ أَبُو رِمْثَةَ قَامَ الرَّجُلُ يَشْفَعُ ، فَنَظَرَ إِلَيْهِ أَبُو رِمْثَةَ ، فَقَالَ : صَلَّيْتُ هَذِهِ الصَّلَاةَ ، أَوْ مِثْلَ هَذِهِ الصَّلَاةِ ، مَعَ النَّبِيِّ - صَلَّى اللهُ عَلَيْهِ وَسَلَّمَ- ، وَكَانَ أَبُو بَكْرٍ وَعُمَرُ يُقَدَّمَانِ فِي الصَّلَاةِ ، وَكَانَ رَجُلٌ قَدْ شَهِدَ التَّكْبِيرَةَ الْأُولَى مِنَ الصَّلَاةِ ، فَصَلَّى النَّبِيُّ - صَلَّى اللهُ عَلَيْهِ وَسَلَّمَ- ثُمَّ سَلَّمَ عَنْ يَمِينٍ وَيَسَارٍ ، حَتَّى رَأَيْتُ وَضَحَ خَدَّيْهِ ، ثُمَّ انْفَتَلَ كَانْفِتَالِ أَبِي رِمْثَةَ ، يَعْنِي : نَفْسَهُ ، فَاسْتَقْبَلَ الْقَوْمَ ، فَقَامَ الرَّجُلُ الَّذِي أَدْرَكَ مَعَهُ التَّكْبِيرَةَ الْأُولَى يَشْفَعُ ، فَقَامَ إِلَيْهِ عُمَرُ ، فَأَخَذَ بِمَنْكِبِهِ ، فَلَهَزَهُ ، ثُمَّ قَالَ : اجْلِسْ ، فَإِنَّهُ لَمْ يُهْلِكْ أَهْلَ الْكِتَابِ إِلَّا أَنَّهُ لَمْ يَكُنْ لِصَلَاتِهِمْ فَصْلٌ ، فَرَفَعَ النَّبِيُّ - صَلَّى اللهُ عَلَيْهِ وَسَلَّمَ- بَصَرَهُ إِلَيْهِ فَقَالَ : أَصَابَ اللهُ بِكَ يَا ابْنَ الْخَطَّابِ . لَا يُرْوَى هَذَا الْحَدِيثُ عَنْ أَبِي رِمْثَةَ إِلَّا بِهَذَا الْإِسْنَادِ ، تَفَرَّدَ بِهِ الْمِنْهَالُ I " .

ازرق بن قیس رحمہ اللہ بیان کرتے ہیں کہ ہمیں ہمارے مصلّٰی (عید گاہ) میں ایک امام نے عصر کی نماز پڑھائی جن کی کنیت سیدنا ابورمثہ رضی اللہ عنہ تھی، اور ہمارے ساتھ ایک ایسا شخص موجود تھا جو تکبیرِ اولیٰ میں شامل ہوا تھا۔ جب سیدنا ابورمثہ رضی اللہ عنہ نے (نماز مکمل کر کے) سلام پھیرا تو وہ شخص (نفل) پڑھنے کے لیے کھڑا ہو گیا، تو سیدنا ابورمثہ رضی اللہ عنہ نے اسے دیکھا اور فرمایا: ”میں نے یہی نماز، یا اسی طرح کی نماز نبی کریم ﷺ کے ساتھ پڑھی تھی، اور سیدنا ابوبکر اور سیدنا عمر رضی اللہ عنہما کو نماز میں (پہلی صف میں) آگے جگہ دی جاتی تھی۔ وہاں بھی ایک شخص تھا جو نماز کی تکبیرِ اولیٰ میں شریک ہوا تھا، نبی کریم ﷺ نے نماز پڑھائی پھر دائیں اور بائیں سلام پھیرا یہاں تک کہ میں نے آپ ﷺ کے دونوں رخساروں کی سفیدی دیکھ لی، پھر آپ ﷺ (مقتدیوں کی طرف) اسی طرح مڑے جیسے ابورمثہ (یعنی انہوں نے اپنی ذات کی طرف اشارہ کیا) مڑے تھے اور لوگوں کی طرف رخ کر کے بیٹھ گئے، تو وہ شخص جو آپ ﷺ کے ساتھ تکبیرِ اولیٰ میں شامل ہوا تھا نفل پڑھنے کے لیے کھڑا ہوا، تو سیدنا عمر رضی اللہ عنہ اس کی طرف بڑھے اور اسے کندھے سے پکڑ کر جھنجھوڑا، پھر فرمایا: ”بیٹھ جاؤ! کیونکہ اہل کتاب صرف اسی وجہ سے ہلاک ہوئے کہ ان کی نمازوں کے درمیان کوئی فاصلہ (تمیز) نہیں ہوتا تھا“، اس پر نبی کریم ﷺ نے ان کی طرف اپنی نگاہِ مبارک اٹھائی اور فرمایا: ”اے ابن خطاب! اللہ نے تمہارے ذریعے درست بات کہلوائی۔“ “
یہ حدیث سیدنا ابورمثہ رضی اللہ عنہ سے صرف اسی سند کے ساتھ مروی ہے، جسے روایت کرنے میں منہال بن خلیفہ رحمہ اللہ منفرد ہیں۔