المعجم الأوسط

عَنِ ابْنِ شِهَابٍ أَنَّ عَبْدَ الرَّحْمَنِ بْنَ أَزْهَرَ حَدَّثَهُ . عَنْ أَبِيهِ أَنَّ رَسُولَ اللهِ -صَلَّى اللهُ عَلَيْهِ وَسَلَّمَ- أُتِيَ بِشَارِبٍ وَهُوَ بِخَيْبَرَ ، فَحَثَا فِي وَجْهِهِ التُّرَابَ ، ثُمَّ أَمَرَ أَصْحَابَهُ فَضَرَبُوهُ بِنِعَالِهِمْ ، وَبِمَا كَانَ فِي أَيْدِيهِمْ ، حَتَّى قَالَ لَهُمُ : I " ارْفُقُوا ، فَرَفَقُوا ، فَتُوُفِّيَ رَسُولُ اللهِ -صَلَّى اللهُ عَلَيْهِ وَسَلَّمَ- وَتِلْكَ سُنَّتُهُ ثُمَّ جَلَدَ أَبُو بَكْرٍ ، فِي الْخَمْرِ أَرْبَعِينَ ، ثُمَّ جَلَدَ عُمَرُ ، أَرْبَعِينَ صَدْرًا مِنْ إِمَارَتِهِ ، ثُمَّ جَلَدَ ثَمَانِينَ فِي آخِرِ خِلَافَتِهِ ، ثُمَّ جَلَدَ عُثْمَانُ ، الْحَدَّ أَرْبَعِينَ ، ثُمَّ مُعَاوِيَةُ ، الْحَدَّ أَرْبَعِينَ .

سیدنا ازہر رضی اللہ عنہ سے روایت ہے کہ رسول اللہ ﷺ کے پاس شراب پینے والا ایک شخص لایا گیا جبکہ آپ ﷺ خیبر میں تھے، تو آپ ﷺ نے اس کے چہرے پر مٹی ڈالی، پھر اپنے صحابہ کو حکم دیا تو انہوں نے اسے اپنے جوتوں اور ان چیزوں سے مارا جو ان کے ہاتھوں میں تھیں، یہاں تک کہ آپ ﷺ نے ان سے فرمایا: «ارْفُقُوا» ”نرمی اختیار کرو“، تو انہوں نے نرمی اختیار کی۔
پھر رسول اللہ ﷺ کی وفات ہوئی اور یہی آپ ﷺ کی سنت (طریقہ کار) رہی، پھر سیدنا ابوبکر رضی اللہ عنہ نے شراب نوشی پر چالیس کوڑے لگائے، پھر سیدنا عمر رضی اللہ عنہ نے اپنی امارت کے ابتدائی دور میں چالیس کوڑے لگائے، پھر اپنی خلافت کے آخری حصے میں اسی کوڑے لگائے، پھر سیدنا عثمان رضی اللہ عنہ نے حد کے چالیس کوڑے لگائے اور پھر سیدنا معاویہ رضی اللہ عنہ نے بھی حد کے چالیس کوڑے لگائے۔