المعجم الأوسط

حَدَّثَنَا أَحْمَدُ بْنُ مَنْصُورٍ الْمَدَائِنِيُّ مَوْلَى بَنِي هَاشِمٍ [قَالَ : نَا مُحَمَّدُ بْنُ إِسْحَاقَ الْمُسَيِّبِيُّ ، قَالَ : نَا عَبْدُ اللهِ بْنُ مُحَمَّدِ بْنِ يَحْيَى بْنِ عُرْوَةَ عَنْ هِشَامِ ] بْنِ عُرْوَةَ عَنْ أَبِيهِ عَنْ عَائِشَةَ عَنِ النَّبِيِّ -صَلَّى اللهُ عَلَيْهِ وَسَلَّمَ- : إِنَّ مُوسَى قَالَ : يَا رَبِّ ، أَخْبِرْنِي بِأَكْرَمِ خَلْقِكَ عَلَيْكَ ، فَقَالَ : الَّذِي يُسْرِعُ إِلَى هَوَايَ إِسْرَاعَ النَّسْرِ إِلَى هَوَاهُ ، وَالَّذِي يَكْلَفُ بِعِبَادِيَ الصَّالِحِينَ كَمَا يَكْلَفُ الصَّبِيُّ بِالنَّاسِ ، وَالَّذِي يَغْضَبُ إِذَا انْتُهِكَتْ مَحَارِمِي غَضَبَ النَّمِرِ لِنَفْسِهِ ، فَإِنَّ النَّمِرَ إِذَا غَضِبَ لَمْ يُبَالِ ، أَقَلَّ النَّاسُ أَمْ كَثُرُوا . I " لَمْ يَرْوِ هَذَا الْحَدِيثَ عَنْ هِشَامٍ إِلَّا عَبْدُ اللهِ ، تَفَرَّدَ بِهِ : الْمُسَيِّبِيُّ I " .

ام المومنین سیدہ عائشہ رضی اللہ عنہا نبی کریم ﷺ سے روایت کرتی ہیں کہ آپ ﷺ نے فرمایا: ”سیدنا موسیٰ علیہ السلام نے عرض کیا: اے میرے رب! مجھے اپنی مخلوق میں سے اس شخص کے بارے میں بتائیے جو تیرے نزدیک سب سے زیادہ معزز ہو، تو اللہ تعالیٰ نے فرمایا: وہ جو میری رضا کی طرف اس طرح تیزی سے لپکتا ہے جیسے عقاب اپنی رغبت کی چیز کی طرف تیزی سے جھپٹتا ہے، اور جو میرے نیک بندوں کے ساتھ ایسی گہری الفت و محبت رکھتا ہے جیسے بچہ لوگوں کے ساتھ الفت رکھتا ہے، اور جو میری حرام کردہ حدود کی پامالی پر اس طرح غصے میں آتا ہے جیسے تیندوا اپنے نفس کے لیے غضب ناک ہوتا ہے، کیونکہ تیندوا جب غصے میں آ جائے تو وہ اس کی پروا نہیں کرتا کہ (مقابلے میں) لوگ تھوڑے ہیں یا زیادہ۔“
امام طبرانی رحمہ اللہ فرماتے ہیں: ”اس حدیث کو ہشام بن عروہ رحمہ اللہ سے صرف عبداللہ رحمہ اللہ نے روایت کیا ہے، اور ان سے روایت کرنے میں مسیبی رحمہ اللہ منفرد ہیں۔“