المطالب العالية بزوائد المسانيد الثمانية

سیدنا عبداللہ رضی اللہ عنہ سے روایت ہے کہ رسول اللہ ﷺ نے ارشاد فرمایا: ”جب اللہ تعالیٰ تمہیں خیر (مال و دولت) عطا فرمائے تو (اس کے خرچ کی) ابتدا ان سے کرو جو تمہاری زیرِ کفالت ہیں، اور اپنی ضرورت سے زائد میسر مال میں سے (دوسروں کو بھی) کچھ نہ کچھ دیا کرو، اور محض بقدرِ ضرورت مال اپنے پاس روک لینے پر تم پر کوئی ملامت نہیں ہے، اور اپنی ذات کی ضروریات پوری کرنے سے عاجز نہ رہو۔“

عطاء بن ابی رباح سے روایت ہے، وہ بیان کرتے ہیں کہ: میں نے سیدنا ابو ہریرہ رضی اللہ عنہ کو اس بیت اللہ کا طواف کرتے دیکھا، جبکہ وہ اونچی آواز سے پکار رہے تھے: ”کوئی صدقہ (قبول یا افضل) نہیں مگر وہی جو اہل و عیال کی ضروریات سے زائد مال سے ہو“