مجمع الزوائد ومنبع الفوائد

سیدنا عبداللہ بن عمر رضی اللہ عنہما نبی اکرم صلی اللہ علیہ وسلم کا یہ فرمان نقل کرتے ہیں : ” اللہ کی قسم ! کوئی شخص جہنم میں سے اُس وقت تک نہیں نکلے گا جب تک وہ اُس میں ” احقاب “ تک نہیں ٹھہرا رہے گا ، آپ نے فرمایا : ایک ” حقب “ اَسّی سے کچھ زیادہ سال کا ہوتا ہے ، جن میں سے ہر ایک سال ، تین سو ساٹھ دن کا ہو گا ، جو تمہارے شمار کے حساب سے ہوتا ہے ۔ “
یہ روایت امام بزار نے نقل کی ہے اس کی سند میں ایک راوی سلیمان بن مسلم خشاب ہے اور وہ انتہائی ضعیف ہے ۔