مجمع الزوائد ومنبع الفوائد

سیدنا انس رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” جس شخص کے ساتھ ، اللہ تعالیٰ کسی عمل کے حوالے سے ثواب کا وعدہ کرے ، تو اللہ تعالیٰ اس کے ساتھ کئے ہوئے وعدے کو پورا کرے گا ، اور جس شخص کو اللہ تعالیٰ نے کسی عمل کے ارتکاب پر کوئی وعید سنائی ہو ، تو اس وعید کے بارے میں ، اللہ تعالیٰ کو اختیار ہے ( یعنی اگر اللہ چاہے گا ، تو اس شخص کو اس وعید کے مطابق سزا دے گا اور اگر چاہے گا ، تو اس کی مغفرت کر دے گا ) ۔ “
یہ روایت امام بزار نے امام ابویعلیٰ نے اور امام طبرانی نے معجم اوسط میں نقل کی ہے ، اس کی سند میں ایک راوی سہیل بن ابوحزم ہے ، جس کے ضعیف ہونے کے باوجود اس کی توثیق کی گئی ہے ، اس روایت کے بقیہ رجال ” صحیح “ کے رجال ہیں ۔