مجمع الزوائد ومنبع الفوائد

سیدنا حذیفہ فرماتے ہیں : بدر میں نبی اکرم صلی اللہ علیہ وسلم کے ساتھ جو خیمے لگائے گئے تھے جن کے ذریعے بچاؤ کیا گیا ، ان کے بعد کوئی خیمہ ایسا نہیں ہے جو ان خیمے والوں سے زیادہ محفوظ ہو ، جو بھی شخص ان کے بارے میں برائی کا ارادہ کرے گا ، اللہ تعالیٰ اسے ایسی صورتحال کا شکار کرے گا کہ وہ ان کے حوالے سے توجہ ہٹا لے گا ۔

ایک روایت میں یہ الفاظ ہیں : ” انہوں نے فرمایا : اے عربوں کے گروہ ! آج تم کچھ ایسے امور کے مرتکب ہو رہے ہو کہ اگر وہ اللہ کے رسول صلی اللہ علیہ وسلم کے زمانے میں ہوتے تو وہ منافقت شمار ہوتے ۔ “
یہ روایت امام أحمد نے نقل کی ہے ، امام بزار نے اس کی مانند روایت اختصار کے ساتھ نقل کی ہے ، اور انہوں نے یہ الفاظ نقل کیے ہیں : ” اللہ تعالیٰ انہیں ایسی صورتحال کا شکار کر دے گا جو انہیں مشغول کر دے گی “ اور امام بزار کی روایت میں یہ الفاظ نقل کئے ہیں : اس سے مراد کوفہ ہے ۔ امام طبرانی نے معجم اوسط میں یہ الفاظ نقل کئے ہیں : ” ان خیمے والوں سے مراد کوفہ ہے ۔ “ امام أحمد اور امام بزار کے رجال ” ثقہ “ ہیں ۔