مجمع الزوائد ومنبع الفوائد

سیدنا سعد بن ابی وقاص رضی اللہ عنہ بیان کرتے ہیں : نبی اکرم صلی اللہ علیہ وسلم نے بارے میں یہ ارشاد فرمایا تھا : ” میں اُن سے ہوں اور یہ مجھ سے ہیں ۔ “
یہ روایت امام أحمد نے متصل اور مرسل ، دونوں طرح سے اختصار کے ساتھ نقل کی ہے ، انہوں نے اسے سیدنا سعد رضی اللہ عنہ کے بھتیجے کے حوالے سے نقل کیا ہے ، لیکن اس کا نام بیان نہیں کیا ہے ، ان دونوں کے بقیہ رجال ” صحیح “ کے رجال ہیں ۔

شعبہ بیان کرتے ہیں : میں نے سعد بن ابراہیم سے بنو ناجیہ کے بارے میں دریافت کیا : تو انہوں نے بتایا : وہ ہم میں سے ہیں ۔ شعبہ بیان کرتے ہیں : لوگوں نے سیدنا سعید بن زید رضی اللہ عنہ کے حوالے سے ، نبی اکرم صلی اللہ علیہ وسلم سے
یہ روایت نقل کی ہے : ” وہ ایسا قبیلہ ہے ، جو مجھ سے ہے ۔ “ راوی کہتے ہیں : میرا خیال ہے روایت میں یہ الفاظ بھی ہیں : ” اور میں اُن سے ہوں ۔ “
یہ روایت امام ابویعلیٰ نے نقل کی ہے اور اس کے رجال ” صحیح “ کے رجال ہیں ، البتہ سعد بن ابراہیم نامی راوی نے سیدنا سعید بن زید رضی اللہ عنہ سے سماع نہیں کیا ہے ۔