مجمع الزوائد ومنبع الفوائد

معاویہ بن قرہ مزنی اپنے والد ( سیدنا قرہ مزنی رضی اللہ عنہ ) کا یہ بیان نقل کرتے ہیں : نبی اکرم صلی اللہ علیہ وسلم نے میرے سر پر ہاتھ پھیرا تھا ۔

ایک روایت میں یہ الفاظ ہیں : راوی کہتے ہیں : میں نے اپنے والد کو یہ بیان کرتے ہوئے سنا ہے : انہوں نے نبی اکرم صلی اللہ علیہ وسلم کا زمانہ پایا ہے اور نبی اکرم صلی اللہ علیہ وسلم نے ان کے سر پر ہاتھ پھیرا تھا اور ان کے لئے دعائے مغفرت کی تھی ۔

ایک روایت میں یہ الفاظ ہیں : ہم نے دریافت کیا : کیا وہ نبی اکرم صلی اللہ علیہ وسلم کے صحابی تھے ؟ تو انہوں نے ( یعنی معاویہ بن قرہ نے ) جواب دیا : جی نہیں ! وہ نبی اکرم صلی اللہ علیہ وسلم کے زمانے میں تھے اور ( ان کی عمر اتنی تھی ) کہ دودھ دوہ لیتے تھے اور جانور باندھ لیتے تھے ۔
یہ تمام روایات امام أحمد نے مختلف اسانید کے ساتھ نقل کی ہیں ، امام بزار نے ان میں سے کچھ روایات نقل کی ہیں ، امام أحمد کی اسانید میں سے ایک کے اور امام بزار کے رجال صحیح کے رجال ہیں ، صرف معاویہ بن قرہ کا معاملہ مختلف ہے اور وہ ثقہ ہے ۔