مجمع الزوائد ومنبع الفوائد

سیدنا حارث بن عمرو سہمی رضی اللہ عنہ بیان کرتے ہیں : حجۃ الوداع کے موقع پر وہ نبی اکرم صلی اللہ علیہ وسلم کی خدمت میں حاضر ہوئے آپ اس وقت اپنی اونٹنی عضباء پر سوار تھے سیدنا حارث رضی اللہ عنہ خوبصورت وجیہ و شکیل شخص تھے وہ سواری سے اُتر کر نبی اکرم صلی اللہ علیہ وسلم کی طرف آئے اور نبی اکرم صلی اللہ علیہ وسلم کے قریب ہو گئے ، یہاں تک کہ ان کا چہرہ نبی اکرم صلی اللہ علیہ وسلم کے گھٹنے کے برابر آ رہا تھا ، نبی اکرم صلی اللہ علیہ وسلم جھکے اور آپ نے سیدنا حارث ضی اللہ عنہ کے چہرے پر ہاتھ پھیرا ، راوی کہتے ہیں : تو سیدنا حارث رضی اللہ عنہ کے انتقال تک اُن کے چہرے پر چمک برقرار رہی ۔
یہ روایت امام طبرانی نے نقل کی ہے اور اس کے رجال ثقہ ہیں ۔