مجمع الزوائد ومنبع الفوائد

امام طبرانی بیان کرتے ہیں : یہ سیدنا عبدالله رضی اللہ عنہ بن ارقم بن عبدیغوث بن وہب بن عبدمناف بن زہرہ ہیں ، ان کی والدہ عمرہ بنت ارقم بن ہاشم بن عبدمناف ہیں ، یہ وفات سے پہلے نابینا ہو گئے تھے ، یہ نبی اکرم صلی اللہ علیہ وسلم سیدنا ابوبکر رضی اللہ عنہ سیدنا عمر رضی اللہ عنہ اور سیدنا عثمان رضی اللہ عنہ اور سیدنا علی رضی اللہ عنہ کے لئے کتابت کے فرائض سر انجام دیتے رہے ہیں ۔

(کتاب میں موجود نہیں ہے)

عبدالواحد بن ابوعون بیان کرتے ہیں : نبی اکرم صلی اللہ علیہ وسلم کے پاس کسی شخص کا مکتوب آیا ، نبی اکرم صلی اللہ علیہ وسلم نے سیدنا عبداللہ بن ارقم رضی اللہ عنہ سے فرمایا : تم میری طرف سے جواب لکھو ! انہوں نے جواب لکھا ، پھر نبی اکرم صلی اللہ علیہ وسلم کو پڑھ کے سنایا ، تو نبی اکرم صلی اللہ علیہ وسلم نے فرمایا : تم نے ٹھیک لکھا ہے ، اور اچھا کام کیا ہے ، اے اللہ ! تو اسے توفیق عطا فرما ! “ ۔ راوی بیان کرتے ہیں : جب سیدنا عمر رضی اللہ عنہ خلیفہ بنے تھے ، تو وہ اُن سے مشورہ لیا کرتے تھے ۔
یہ روایت امام طبرانی نے ” معضل “ روایت کے طور پر نقل کی ہے اور اس کی سند حسن ہے ۔