مجمع الزوائد ومنبع الفوائد

سیدنا سلمہ بن اکوع رضی اللہ عنہ بیان کرتے ہیں : نبی اکرم صلی اللہ علیہ وسلم نے کئی مرتبہ سواری پر مجھے اپنے پیچھے بٹھایا ہے ، آپ صلی اللہ علیہ وسلم نے کئی مرتبہ میرے سر پر اپنا دست مبارک پھیرا ہے ، آپ صلی اللہ علیہ وسلم نے میرے لئے اور میری اولاد کے لئے اتنی مرتبہ دعائے مغفرت کی ہے کہ جتنی میرے دونوں ہاتھوں کی انگلیاں ہیں ۔
یہ روایت امام طبرانی نے نقل کی ہے اور اس کے رجال صحیح کے رجال ہیں صرف علی بن یزید بن ابوحکیمہ کا معاملہ مختلف ہے اور وہ ثقہ ہے ۔

سیدنا ابوقتادہ حارث بن ربعی رضی اللہ عنہ بیان کرتے ہیں نبی اکرم صلی اللہ علیہ وسلم نے ارشاد فرمایا : ” ہمارا سب سے بہتر گھڑ سوار ابوقتادہ ہے اور ہمارا سب سے بہتر پیادہ ، سلمہ بن اکوع ہے ۔ “
یہ روایت امام طبرانی نے معجم صغیر میں نقل کی ہے اور اس کی سند میں راویوں کی ایک جماعت ایسی ہے جن سے میں واقف نہیں ہوں ۔