مجمع الزوائد ومنبع الفوائد

سیدنا عبداللہ بن عمر رضی اللہ عنہما بیان کرتے ہیں : نبی اکرم صلی اللہ علیہ وسلم سے سوال کیا گیا : آواز کے اعتبار سے سب سے زیادہ خوبصورت قرآن کون پڑھتا ہے ؟ نبی اکرم صلی اللہ علیہ وسلم نے ارشاد فرمایا : وہ شخص کہ جب تم اس کی تلاوت سنو ، تو تم یہ محسوس کرو کہ یہ اللہ سے ڈرتا ہے ۔
یہ روایت امام طبرانی نے معجم اوسط میں نقل کی ہے اور امام بزار نے نقل کی ہے ، اس کی سند میں ایک راوی حمید بن حماد بن خوار ہے ، جسے ابن حبان نے ثقہ قرار دیا ہے ، وہ کہتے ہیں : یہ بعض اوقات غلطی کر جاتا ہے ، بزار کے بقیہ رجال صحیح کے رجال ہیں ۔