مجمع الزوائد ومنبع الفوائد

سیدنا ابوہریرہ رضی اللہ عنہ بیان کرتے ہیں : نبی اکرم صلی اللہ علیہ وسلم ہمارے پاس تشریف لائے آپ نے ارشاد فرمایا : تم لوگ ” جب حزن “ سے اللہ کی پناہ مانگو ! لوگوں نے عرض کی : یا رسول اللہ ! ” جب حزن “ کیا ہے ؟ نبی اکرم صلی اللہ علیہ وسلم نے فرمایا : یہ جہنم میں موجود ایک وادی ہے جس سے جہنم روزانہ چار سو مرتبہ پناہ مانگتی ہے اللہ تعالیٰ نے یہ ( وادی ) اپنے اعمال کے ذریعے دکھاوا کرنے والے ، قرآن کے عالموں کے لئے تیار کی ہے ، اور اللہ تعالیٰ کے نزدیک اُس کی مخلوق میں ، سب سے ناپسندیدہ لوگ قرآن کے وہ عالم ہیں ، جو ریاستی اہلکاروں سے ملنے جاتے ہیں ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی بکیر بن شہاب دامغانی ہے اور وہ ضعیف ہے ۔ اس سے پہلے کچھ احادیث گزر چکی ہے ، جو کتاب ” الخوارج “ میں گزری ہیں اور اس شخص کے بارے میں ہیں ، جو قرآن پڑھے گا ، لیکن قرآن اُس شخص کے حلق سے آگے نہیں جائے گا ۔