مجمع الزوائد ومنبع الفوائد

سیدنا ابوامامہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” قرآن تین مقامات پر نازل ہوا ہے ، مکہ ، مدینہ اور شام “ ۔
یہ روایت امام طبرانی نے نقل کی ہے ، اس کی سند میں ایک راوی عفیر بن معدان ہے اور وہ ضعیف ہے ۔

سیدنا عبداللہ بن مسعود رضی اللہ عنہ فرماتے ہیں : مفصل سورتیں مکہ میں نازل ہوئیں اور ہم ایک عرصہ تک اُنہیں ہی پڑھتے رہے ، اُن کے علاوہ کچھ نازل نہیں ہوا تھا ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی حدیج بن معاویہ ہے ، جسے امام أحمد اور دیگر حضرات نے ثقہ قرار دیا ہے اور ایک جماعت نے اسے ضعیف کہا: ہے ۔