مجمع الزوائد ومنبع الفوائد

سیدنا ابوبکر رضی اللہ عنہ بیان کرتے ہیں : میں نے عرض کی : یا رسول اللہ ! آپ کے بال تیزی سے سفید ہو رہے ہیں ، نبی اکرم صلی اللہ علیہ وسلم نے ارشاد فرمایا : ” سورت واقعہ ، سورت نباء اور سورت تکویر نے مجھے بوڑھا کر دیا ہے “ ۔
یہ روایت امام طبرانی نے معجم اوسط میں نقل کی ہے امام ابویعلیٰ نے اس کی مانند روایت نقل کی ہے انہوں نے یہ الفاظ زائد نقل کیے ہیں : ” سورت ہود نے “ ۔ اس روایت کے رجال صحیح کے رجال ہیں ، البتہ امام ابویعلیٰ نے یہ بات کہی ہے : عکرمہ کے حوالے سے یہ بات منقول ہے سیدنا ابوبکر رضی اللہ عنہ نے یہ بات بیان کی ہے : میں نے نبی اکرم صلی اللہ علیہ وسلم سے سوال کیا ۔ ۔ ۔ ۔ ۔ ۔ ۔ عکرمہ نامی راوی نے ، سیدنا ابوبکر رضی اللہ عنہ کا زمانہ نہیں پایا ہے ۔ اس روایت کے مختلف طرق ، سورت ہود سے متعلق باب میں پہلے گزر چکے ہیں ۔