مجمع الزوائد ومنبع الفوائد

سیدنا عبداللہ بن عباس رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اللہ تعالیٰ نے سب سے پہلے قلم اور مچھلی کو پیدا کیا ، قلم نے دریافت کیا : میں کیا لکھوں ؟ اللہ تعالیٰ نے فرمایا : ہر وہ چیز جو قیامت کے دن تک ہو گی ، پھر نبی اکرم صلی اللہ علیہ وسلم نے یہ آیت تلاوت کی : ” ن ، اور قلم کی قسم ہے ، اور جو وہ ( فرشتے ) لکھتے ہیں“ ۔ تو ’ ن ، سے مراد ، مچھلی ہے اور قلم سے مراد قلم ہے ۔

یہ روایت امام طبرانی نے نقل کی ہے وہ فرماتے ہیں حماد بن زید کے حوالے سے اس روایت کو مرفوع حدیث کے طور پر صرف مؤمل بن اسماعیل نے نقل کیا ہے ۔
( علامہ ہیثمی فرماتے ہیں : ) میں یہ کہتا ہوں مؤمل نامی راوی ثقہ ہے لیکن بکثرت غلطیاں کرتا ہے یحییٰ بن معین اور دیگر حضرات نے اسے ثقہ قرار دیا ہے امام بخاری رحمہ اللہ اور دیگر حضرات نے اسے ضعیف کہا: ہے اس روایت کے بقیہ رجال ثقہ ہیں ۔