مجمع الزوائد ومنبع الفوائد

سیدہ میمونہ رضی اللہ عنہما بیان کرتی ہیں : نبی اکرم صلی اللہ علیہ وسلم نے یہ آیت تلاوت کی : ” حم عسق “ پھر نبی اکرم صلی اللہ علیہ وسلم نے ارشاد فرمایا : اے میمونہ ! کیا تم نے ” حم عسق “ یاد کی ہوئی ہے ؟ مجھے یہ شروع سے لے کر آخر تک بھلا دی گئی ہے ، سیدہ میمونہ رضی اللہ عنہما کہتی ہیں : میں نے اُسے پڑھا ، تو نبی اکرم صلی اللہ علیہ وسلم نے اُسے پڑھ لیا ۔
یہ روایت امام طبرانی نے نقل کی ہے اور اس کے رجال صحیح کے رجال ہیں ، صرف امام طبرانی کے استاد محمد بن عبدوس کا معاملہ مختلف ہے ۔

سیدنا عبداللہ بن عباس رضی اللہ عنہما بیان کرتے ہیں : ہم یہ آیت پڑھا کرتے تھے : ” قریب ہے کہ آسمان اپنے اوپر کی طرف سے پھٹ جائیں “ ۔ ( علامہ ہیثمی فرماتے ہیں : ) میں نے ضبط کے بغیر
یہ روایت اس طرح پائی ہے ۔
یہ روایت امام طبرانی نے نقل کی ہے اور اس کے رجال ثقہ ہیں ۔