مجمع الزوائد ومنبع الفوائد

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” بے شک اللہ تعالیٰ نے سورت طلہ اور سورت یسین سیدنا آدم علیہ السلام کی تخلیق سے ایک ہزار سال پہلے پڑھی جب فرشتوں نے قرآن سنا ، تو انہوں نے کہا: اس امت کو مبارک باد ، جس پر یہ نازل ہو گی ان ذہنوں کے لئے مبارک باد ہے جن میں ان کا علم آئے گا اور ان زبانوں کے لئے مبارک باد ہے جو ان کو پڑھیں گی “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی ابراہیم بن مہاجر بن مسمار ہے ، جسے اس حدیث کے حوالے سے امام بخاری رحمہ اللہ نے ضعیف قرار دیا ہے ، اور یحییٰ بن معین نے اسے ثقہ کہا: ہے ۔

سیدنا عبداللہ بن عباس رضی اللہ عنہ اللہ تعالیٰ کے اس فرمان ” طہ “ کے بارے میں یہ کہتے ہیں : اس سے مراد یہ ہے : اے شخص !
یہ روایت امام طبرانی نے نقل کی ہے ۔ اس کی سند میں ایک راوی محمد بن معاویہ نیشا پوری ہے اور وہ ضعیف ہے ۔