مجمع الزوائد ومنبع الفوائد

سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : جبرائیل نے مجھے بتایا کہ روئے زمین پر میرے نزدیک فرعون سے زیادہ ناپسندیدہ کوئی نہیں تھا جب وہ ایمان لانے لگا ، تو میں اس کے منہ میں گارا ٹھونسنے لگا کہ کہیں رحمت اس تک نہ پہنچ جائے “ ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی قیس بن ربیع ہے ، جسے شعبہ اور ثوری نے ثقہ قرار دیا ہے ، اور ایک جماعت نے اسے ضعیف کہا: ہے ۔

سیدنا ابوبکر صدیق رضی اللہ عنہ فرماتے ہیں : مجھے یہ بات بتائی گئی ہے کہ فرعون کے سامنے کے دانت نہیں تھے ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی نعیم بن یحیی ہے ، اور میں اس سے واقف نہیں ہوں ۔