مجمع الزوائد ومنبع الفوائد

سیدنا عبداللہ بن مسعود رضی اللہ عنہ اللہ تعالیٰ کے اس فرمان کے بارے میں بیان کرتے ہیں : ( ارشاد باری تعالیٰ ہے : ) ” وہ جو قیام کی حالت میں اور بیٹھنے کی حالت میں اور اپنے پہلو کے بل ( لیٹنے کی حالت میں ) اللہ کا ذکر کرتے ہیں “ ۔ سیدنا عبداللہ بن مسعود رضی اللہ عنہ فرماتے ہیں : اگر کوئی شخص کھڑے ہو کر نماز ادا کرنے کی استطاعت نہیں رکھتا تو وہ بیٹھ کر نماز پڑھے گا اگر وہ اس کی بھی استطاعت نہیں رکھتا تو وہ لیٹ کر نماز ادا کرے گا ۔
یہ روایت امام طبرانی نے نقل کی ہے ، اور اس کی سند منقطع ہے ، اور اس کی سند میں ایک راوی جویبر ہے ، اور وہ متروک ہے ۔