مجمع الزوائد ومنبع الفوائد

سیدنا مقداد بن اسود رضی اللہ عنہ اور سیدنا ابوامامہ رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” جب امیر لوگوں میں مشکوک ( یعنی پوشیدہ معاملات ) کو تلاش کرے گا ، تو انہیں خراب کر دے گا“ ۔ ( علامہ ہیثمی فرماتے ہیں : ) میں یہ کہتا ہوں سیدنا ابوامامہ رضی اللہ عنہ کی نقل کردہ حدیث کو امام ابوداؤد نے نقل کیا ہے ۔
یہ روایت امام أحمد اور امام طبرانی نے نقل کی ہے ۔ اور اس کے رجال ثقہ ہیں ۔

سیدنا عتبہ بن عبد رضی اللہ عنہ اور سیدنا ابوامامہ رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” جب امیر لوگوں میں مشکوک ( پوشیدہ معاملات ) کو تلاش کرے گا ، تو انہیں خراب کر دے گا“ ۔
یہ روایت امام طبرانی نے نقل کی ہے ۔ اور اس کے رجال ثقہ ہیں ۔

سیدنا عبداللہ بن عباس رضی اللہ عنہما نبی اکرم صلی اللہ علیہ وسلم کے حوالے سے یہ بات نقل کرتے ہیں کہ جو شخص کسی عہدے کا نگران بنتا ہے ، اور اس کے لئے عافیت کو پھیلا دیا جاتا ہے ، تو اگر وہ اسے قبول کر لے گا ، تو اس کے لئے اسے پھیلایا جائے گا ، اور اس کے لئے اسے مکمل کیا جائے گا ، اور اگر وہ اس کو پس پشت ڈال دیتا ہے ، تو اس کے لئے وہ چیز کشادہ کر دی جائے گی جس کی اس میں طاقت نہیں ہو گی “ ۔ راوی کہتے ہیں : میں نے سیدنا عبداللہ بن عباس رضی اللہ عنہما سے دریافت کیا : لفظ حفز عنہا کا کیا مطلب ہے ؟ انہوں نے فرمایا : وہ ان کے لغزشوں اور پوشیدہ معاملات کی تفتیش کرے ۔
یہ روایت امام طبرانی نے نقل کی ہے ۔ اس کی سند میں ایسا راوی ہے جس سے میں واقف نہیں ہوں ۔