مجمع الزوائد ومنبع الفوائد

سیدنا علی بن ابوطالب رضی اللہ عنہ بیان کرتے ہیں : ہم لوگ نبی اکرم صلی اللہ علیہ وسلم کے ہمراہ ایک انصاری شخص کے پاس آئے جسے ورم لائق تھا ۔ نبی اکرم صلی اللہ علیہ وسلم نے فرمایا : کیا تم اسے اس سے نکال نہیں دو گے راوی کہتے ہیں : اسے چیر دیا گیا اور نبی اکرم صلی اللہ علیہ وسلم یہ ملاحظہ فرما رہے تھے ۔
یہ روایت امام ابویعلیٰ نے نقل کی ہے ۔ اس کی سند میں ایک راوی ابوربیع سمان ہے ، اور وہ ضعیف ہے ۔

سیدنا ابوہریرہ رضی اللہ عنہ بیان کرتے ہیں : دو بھائی مدینہ منورہ آئے نبی اکرم صلی اللہ علیہ وسلم کے ایک صحابی کو اس کے جسم میں تیر لگا تھا ۔ نبی اکرم صلی اللہ علیہ وسلم نے اس کے رشتہ داروں سے فرمایا اس کے لئے ایسا شخص تلاش کرو جو اس کا علاج کرے پھر ان دو بھائیوں کو لایا گیا نبی اکرم صلی اللہ علیہ وسلم نے ان سے دریافت کیا : تم دونوں لوہے کے ذریعے علاج کرو انہوں نے کہا: ہم زمانہ جاہلیت میں علاج کیا کرتے تھے ۔ نبی اکرم صلی اللہ علیہ وسلم نے ارشاد فرمایا : تم دونوں اس کا علاج کرو راوی کہتے ہیں : تو اس نے اس کو چیر دیا ، یہاں تک کہ وہ ٹھیک ہو گیا ۔
یہ روایت امام بزار نے نقل کی ہے ۔ اس کی سند میں ایک راوی عاصم بن عمر عمری ہے ، جسے جمہور نے ضعیف قرار دیا ہے ، اور ابن حبان نے اسے ثقہ کہا: ہے وہ یہ کہتے ہیں : کہ یہ غلطی کرتا ہے ، اور یہ دوسروں کے ( برخلاف ) نقل کرتا ہے اس روایت کے بقیہ رجال ثقہ ہیں ۔

سیدنا عبداللہ بن عباس رضی اللہ عنہما بیان کرتے ہیں : ایک شخص نبی اکرم صلی اللہ علیہ وسلم کی خدمت میں حاضر ہوا جسے زخم لاحق تھا اس نے نبی اکرم صلی اللہ علیہ وسلم سے اسے چیر دینے کی اجازت مانگی ، تو نبی اکرم صلی اللہ علیہ وسلم نے اسے اجازت دیدی ۔
یہ روایت امام طبرانی نے نقل کی ہے ۔ اس کی سند میں ایک راوی عبداللہ بن خراش ہے ، جسے جمہور نے ضعیف قرار دیا ہے ، اور ابن حبان نے اسے ثقہ کہا: ہے وہ یہ کہتے ہیں : یہ غلطی کرتا ہے ، اور ( دوسروں کے ) برخلاف روایت نقل کرتا ہے اس روایت کے بقیہ رجال ثقہ ہیں ۔

عبداللہ بن یحیی حضرمی بیان کرتے ہیں : حیان بن ابحر کنانی نے اپنی بیوی کے پیٹ کو چیر دیا تھا جس کے ساتھ ان کی رخصتی ہوئی تھی یہاں تک کہ انہوں نے اس خاتون کا اس طرح علاج کیا تھا ۔
یہ روایت امام طبرانی نے نقل کی ہے ۔ اس کی سند میں ایک راوی جابر جعفی ہے ، اور وہ ضعیف ہے ویسے اس کی توثیق کی گئی ہے ۔