مجمع الزوائد ومنبع الفوائد

سیدہ عائشہ صدیقہ رضی اللہ عنہا بیان کرتی ہیں : نبی اکرم صلی اللہ علیہ وسلم نے ارشاد فرمایا : ” جو شخص دن میں مدینہ منورہ کی سات عجوہ کھجوریں کھا لے گا اسے اس دن میں زہر نقصان نہیں پہنچائے گا ، اور جو شخص رات میں کھا لے گا اسے زہر نقصان نہیں پہنچائے گا“ ۔
( علامہ ہیثمی فرماتے ہیں : ) میں یہ کہتا ہوں سیدہ عائشہ رضی اللہ عنہا سے منقول حدیث صحیح میں بھی مذکور ہے ، اور وہ اس روایت کے علاوہ ہے ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی عبداللہ ہاشمی ہے عقیلی کہتے ہیں : اس سے ایسی احادیث منقول ہیں جن میں سے کسی کے بارے میں اس کی متابعت نہیں کی گئی اس کے والد سے میں واقف نہیں ہوں ۔ اس روایت کے بقیہ رجال ثقہ ہیں ۔