مجمع الزوائد ومنبع الفوائد

سیدنا ابوسعید خدری رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو شخص نہار منہ پانی پیتا ہے ، اس کی قوت کم ہو جاتی ہے “ ۔
یہ روایت امام طبرانی نے معجم اوسط میں نقل کی ہے اور اس کی سند میں ایک راوی محمد بن مخلدر عینی ہے ، اور وہ ضعیف ہے ۔

سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں : ” جو شخص زیادہ ہنستا ہے ، وہ اپنے حق کو کمزور کر لیتا ہے ، اور جو شخص نہار منہ پانی پیتا ہے ، اس کی قوت کم ہو جاتی ہے “ ۔
یہ روایت امام طبرانی نے معجم اوسط میں ایک طویل حدیث کے ضمن میں نقل کی ہے ، جو زہد کے باب میں آگے آئے گی ، اس کی سند میں ایسے راوی ہیں ، جن سے میں واقف نہیں ہوں ۔