مجمع الزوائد ومنبع الفوائد

سیدنا انس بن مالک رضی اللہ عنہ بیان کرتے ہیں : نبی اکرم صلی اللہ علیہ وسلم نے ہمارے دین کے حوالے سے ہمیں کسی بھی الجھن کا شکار نہیں رہنے دیا آپ نے ہمیں مشروب میں پھونک مارنے سے منع کیا ہے ۔
یہ روایت امام طبرانی نے معجم اوسط میں نقل کی ہے ۔ اور اس کی سند میں ایک راوی مبشر بن عبید ہے ، اور وہ ضعیف ہے ۔

سیدنا ابوہریرہ رضی اللہ عنہ نبی اکرم صلی اللہ علیہ وسلم کے بارے میں یہ بات بیان کرتے ہیں : کہ آپ اس بات کو ناپسند کرتے تھے کہ نماز کے دوران اپنے آگے پھونک ماریں ، یا مشروب میں پھونک ماریں ۔
یہ روایت امام طبرانی نے معجم اوسط میں نقل کی ہے ۔ اس کی سند میں ایک راوی صالح مولی تو اُمہ ہے جو اختلاط کا شکار ہو گیا تھا ۔ اس روایت کے بقیہ رجال ثقہ ہیں ۔ اس سے پہلے کھانے میں پھونک مارنے سے متعلق کچھ احادیث گزر چکی ہیں ۔

سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم نے اس بات سے منع کیا ہے کہ کھانے یا پینے یا کھجوروں میں پھونک ماری جائے ۔ ( علامہ ہیثمی فرماتے ہیں : ) میں یہ کہتا ہوں
یہ روایت امام ابوداؤد نے نقل کی ہے ۔ تاہم انہوں نے لفظ کھجور نقل نہیں کیا ۔
یہ روایت امام طبرانی نے نقل کی ہے ۔ اور اس کی سند میں ایک راوی محمد بن جابر ہے ، اور وہ ضعیف ہے ۔