مجمع الزوائد ومنبع الفوائد

سیدنا جابر بن عبداللہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جب تم گوشت پکاؤ تو شوربہ زیادہ کر لو ( راوی کو شک ہے شاید یہ الفاظ ہیں : ) پانی زیادہ کر لو کیونکہ یہ پڑوسیوں کے لئے زیادہ گنجائش کا باعث ہو گا “ ( یہاں ایک لفظ کے بارے میں راوی کو شک ہے ) ۔
یہ روایت امام أحمد اور امام بزار نے نقل کی ہے ۔ ان کے الفاظ یہ ہیں : سیدنا جابر رضی اللہ عنہ نے نبی اکرم صلی اللہ علیہ وسلم کا یہ فرمان نقل کیا ہے : ” جب تم ہنڈیا پکاؤ تو اس میں پانی زیادہ کر لو ( راوی کو شک ہے شاید یہ الفاظ ہیں : ) شوربا زیادہ کر لو اور اپنے پڑوسیوں کا خیال رکھو “ ۔
یہ روایت امام بزار نے نقل کی ہے ۔ اس کی سند میں عبدالرحمن بن مغراء نامی راوی ہے ، جسے ابوزرعہ اور دیگر حضرات نے ثقہ قرار دیا ہے اس کے بارے میں ایسا کلام کیا گیا ہے جو نقصان دہ نہیں ہے اس روایت کے بقیہ رجال صحیح کے رجال ہیں ۔