مجمع الزوائد ومنبع الفوائد

ابن ابوملیکہ بیان کرتے ہیں : جب مکہ فتح ہوا تو عکرمہ بن ابوجہل بھاگ کر سمندری سفر پر چلے گئے سمندر میں طغیانی آ گئی تو ملاحوں اور سمندر میں موجود لوگوں نے اللہ تعالیٰ کو پکارنا شروع کیا اور اس سے مدد مانگنا شروع کی ، عکرمہ بن ابوجہل نے کہا: یہ کیا معاملہ ہے ؟ ان لوگوں نے کہا: یہ ایسی جگہ ہے ، جہاں صرف اللہ تعالیٰ نفع دے سکتا ہے ، تو عکرمہ نے کہا: وہ ، تو سیدنا محمد صلی اللہ علیہ وسلم کا معبود ہے جس کی طرف وہ ہمیں دعوت دیتے ہیں ، تم لوگ ہمیں واپس بھیج دو ! پھر وہ لوگ واپس آ گئے انہوں نے واپس آ کے اسلام قبول کر لیا ان کی اہلیہ پہلے ہی اسلام قبول کر چکی تھیں ، تو وہ دونوں اپنے نکاح پر برقرار ہے ۔
یہ روایت امام طبرانی نے نقل کی ہے ۔
یہ روایت مرسل ہے ، اور اس کے رجال صحیح کے رجال ہیں ۔

امام شعبی بیان کرتے ہیں : نبی اکرم صلی اللہ علیہ وسلم کی صاحبزادی سیدہ زینب رضی اللہ عنہا نے اسلام قبول کر لیا تھا ان کے شوہر ابوالعاص بن ربیع مشرک تھے پھر بعد میں انہوں نے بھی اسلام قبول کر لیا تو ان دونوں نے نکاح کی تجدید نہیں کی ۔ روایت امام طبرانی نے نقل کی ہے ۔ اس کی سند میں ایک راوی جابر جعفی ہے ، اور وہ ضعیف ہے ویسے اس کی توثیق کی گئی ہے ۔