مجمع الزوائد ومنبع الفوائد

سیدنا ابوواقد رضی اللہ عنہ بیان کرتے ہیں : میں نے عرض کی : یا رسول اللہ ! ہم ایسی جگہ پر رہتے ہیں ، جہاں ہمیں بھوک لاحق ہو جاتی ہے ، تو مردار میں سے ہمارے لئے کیا چیز حلال ہے ؟ نبی اکرم صلی اللہ علیہ وسلم نے ارشاد فرمایا : جب تم کوئی چیز پکا نہ سکو ، اور تمہیں دودھ بھی نہ مل سکے اور تمہیں سبزیاں بھی نہ مل سکیں ، تو پھر تمہیں اسے استعمال کر سکتے ہو ۔
یہ روایت امام أحمد نے دو اسناد کے ساتھ نقل کی ہے ، جن میں سے ایک کے رجال صحیح کے رجال ہیں ، البتہ امام مزی نے یہ کہا: ہے کہ حسان بن عطیہ نے سیدنا ابوواقد سے سماع نہیں کیا ہے ، باقی اللہ بہتر جانتا ہے ۔

سیدنا ابوواقد رضی اللہ عنہ بیان کرتے ہیں : کچھ لوگوں کا خچر مر گیا ، ان لوگوں کے پاس کوئی ایسی چیز نہیں تھی ، جسے وہ کھاتے ، وہ نبی اکرم صلی اللہ علیہ وسلم کے پاس آئے ، تو نبی اکرم صلی اللہ علیہ وسلم نے انہیں اس ( جانور کا گوشت کھانے ) کی رخصت دی ۔
یہ روایت امام بزار نے نقل کی ہے اور اس کے رجال صحیح کے رجال ہیں ۔