مجمع الزوائد ومنبع الفوائد

سیدنا عبداللہ بن ابواوفی رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” مصنوعی بولی: لگانے والا شخص ، سود کھانے والا ملعون ہے “ ۔
یہ روایت امام طبرانی نے معجم کبیر میں نقل کی ہے اور اس کے رجال ثقہ ہیں البتہ میں عوام بن حوشب نامی راوی کے سیدنا ابن اوفی رضی اللہ عنہ سے سماع سے واقف نہیں ہوں باقی اللہ بہتر جانتا ہے ۔

سیدنا عصمہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا : ” اسلام میں کوئی چراگاہ نہیں ہے اور مصنوعی بولی: لگانے کی کوئی ( اجازت ) نہیں ہے “ ۔
یہ روایت امام طبرانی نے معجم کبیر میں نقل کی ہے اور اس کی سند ضعیف ہے ۔