مجمع الزوائد ومنبع الفوائد

سیدنا عبداللہ بن عمر رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا : ” جب تم کسی حاجی سے ملو تو اسے سلام کر اس کے ساتھ مصافحہ کرو اور اسے یہ کہو کہ وہ اپنے گھر میں داخل ہونے سے پہلے تمہارے لئے مغفرت کی دعا کرے ، کیونکہ اس کی مغفرت ہو چکی ہوتی ہے “ ۔
یہ روایت امام أحمد نے نقل کی ہے اس کی سند میں ایک راوی محمد بن بیلیمانی ہے اور وہ ضعیف ہے ۔

حبیب بن ابوثابت بیان کرتے ہیں : میں اپنے والد کے ساتھ نکلتا ہم حاجیوں سے ملتے انہیں سلام کرتے اس سے پہلے کہ وہ ( روز مرہ کے معاملہ میں الجھ کر ) میلے کچیلے ہو جائیں ۔
یہ روایت امام أحمد نے نقل کی ہے اور اس کی سند میں ایک راوی اسماعیل بن عبدالملک ہے اور وہ ضعیف ہے ۔