مجمع الزوائد ومنبع الفوائد

سیدنا معقل بن یسار رضی اللہ عنہ بیان کرتے ہیں : نبی اکرم صلی اللہ علیہ وسلم نے ارشاد فرمایا : ” مدینہ میرے ہجرت کا مقام ہے اور زمین میں میری آرام گاہ ہے میری امت پر یہ بات لازم ہے کہ وہ میرے پڑوسیوں کی عزت افزائی کریں جب تک وہ لوگ کبیرہ گناہ سے اجتناب کرتے ہیں ان میں سے جو ایسا نہیں کرے گا اللہ تعالی اسے طینہ خبال پلائے گا “ ۔ ہم نے دریافت کیا : اے ابویسار ! طینہ خبال سے مراد کیا ہے ؟ انہوں نے جواب دیا : اہل جہنم کا نچوڑ ۔
یہ روایت امام طبرانی نے معجم کبیر میں نقل کی ہے اس کی سند میں ایک راوی عبدالسلام بن ابوجنوب ہے اور وہ متروک ہے باقی اللہ بہتر جانتا ہے ۔