مجمع الزوائد ومنبع الفوائد

سیدنا عبداللہ بن عمر رضی اللہ عنہما بیان کرتے ہیں : ایک لڑکا نبی اکرم صلی اللہ علیہ وسلم کی خدمت میں حاضر ہوا اس نے عرض کی : میں حج کے لئے جانے لگا ہوں نبی اکرم صلی اللہ علیہ وسلم اس کے ساتھ چلتے ہوئے گئے آپ نے سر اٹھا کر اس کی طرف دیکھا اور ارشاد فرمایا : اے لڑکے اللہ تعالیٰ تمہیں تقویٰ کا زاد سفر عطا کرے اور تمہارا سامنا بھلائی سے کرے اور پریشانی کے حوالے سے تمہاری کفایت کرے راوی بیان کرتے ہیں : جب وہ شخص واپس آیا تو اس نے نبی اکرم صلی اللہ علیہ وسلم کو سلام کیا نبی اکرم صلی اللہ علیہ وسلم نے سر اٹھا کر اس کی طرف دیکھا اور ارشاد فرمایا : اللہ تعالیٰ تمہارا حج قبول کرے تمہارے گناہ ختم کرے اور جو تم نے خرچ کیا ہے اس کی جگہ تمہیں مزید عطا کرے ۔
یہ روایت امام طبرانی نے معجم اوسط میں نقل کی ہے ۔ ” صحیح “ میں اس کا ابتدائی حصہ منقول ہے ۔ اس کی سند میں ایک راوی مسلمہ بن سالم ہے ایک قول کے مطابق اس کا نام مسلم بن سالم جہنی ہے ۔ امام دارقطنی رحمہ اللہ نے اسے ” ضعیف “ قرار دیا ہے ۔