مجمع الزوائد ومنبع الفوائد

سیدنا ابوامامہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : جو شخص شب جمعہ میں یا جمعہ کے دن میں سورۃ حم الدخان کی تلاوت کر لیتا ہے ، تو اللہ تعالی اس کے لئے جنت میں گھر بنا دیتا ہے “ ۔
یہ روایت امام طبرانی نے معجم کبیر میں نقل کی ہے ، اس کی سند میں ایک راوی فضال بن جبیر ہے ، اور وہ انتہائی ” ضعیف “ ہے ۔

سیدنا عبداللہ بن عباس رضی اللہ عنہما روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” جو شخص جمعہ کے دن اس سورت کی تلاوت کرتا ہے ، جس میں آل عمران کا تذکرہ ہے ، تو اللہ تعالیٰ اور اس کے فرشتے سورج غروب ہونے تک اس شخص پر رحمت نازل کرتے رہتے ہیں “ ۔
یہ روایت امام طبرانی نے معجم اوسط اور معجم کبیر میں نقل کی ہے ، اس کی سند میں ایک راوی طلحہ بن زید رقی ہے ، اور وہ ” ضعیف “ ہے ۔