مجمع الزوائد ومنبع الفوائد

سیدنا جعفر بن ابوطالب رضی اللہ عنہ بیان کرتے ہیں : نبی اکرم صلی اللہ علیہ وسلم نے انہیں یہ حکم دیا تھا کہ وہ کشتی میں کھڑے ہو کر نماز ادا کریں البتہ اگر ڈوبنے کا اندیشہ ہو ، تو معاملہ مختلف ہے ۔
یہ روایت امام بزار نے نقل کی ہے ، اس کی سند میں ایک راوی ایسا ہے ، جس کا نام بیان نہیں کیا گیا ہے ، اس روایت کے بقیہ رجال ” ثقہ “ ہیں اس کی سند متصل ہے ۔

انس بن سیرین بیان کرتے ہیں : میں سیدنا انس بن مالک رضی اللہ عنہ کے ہمراہ نکل کر ” شق سرین “ نامی جگہ کی طرف گیا ۔ یہاں تک جب ہم دجلہ کے مقام پر پہنچے تو ظہر کی نماز کا وقت ہو گیا تو انہوں نے کشتی میں بچھونے پر بیٹھ کر ہماری امامت کی حالانکہ کشتی ہمیں لے کے چل رہی تھی
یہ روایت امام طبرانی نے معجم کبیر میں نقل کی ہے ، اور اس کے رجال ” ثقہ “ ہیں ۔