مجمع الزوائد ومنبع الفوائد

سیدنا عبداللہ بن عمر رضی اللہ عنہما بیان کرتے ہیں : نبی اکرم صلی اللہ علیہ وسلم نماز کے دوران عبث طور کے بغیر داڑھی کو چھو لیتے تھے ۔
یہ روایت امام بزار نے نقل کی ہے ، اس کی سند میں ایک راوی عیسیٰ بن عبداللہ ہے ، جو سیدنا نعمان بن بشیر رضی اللہ عنہ کی اولاد میں سے ہے ، اور وہ ” ضعیف “ ہے ۔

سیدنا عبداللہ بن ابواوفی رضی اللہ عنہ بیان کرتے ہیں : میں نے نبی اکرم صلی اللہ علیہ وسلم کو نماز کے دوران داڑھی کو چھوتے ہوئے دیکھا ہے ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی منذر بن زیاد طائی ہے ، اور وہ متروک ہے ۔

سیدنا عمرو بن حریث رضی اللہ عنہ بیان کرتے ہیں : نبی اکرم صلی اللہ علیہ وسلم بعض اوقات نماز میں اپنی داڑھی کو چھو لیتے تھے ۔
یہ روایت امام ابویعلیٰ نے نقل کی ہے ، اس کی سند میں ایک راوی محمد بن خطاب ہے ، اور وہ ” ضعیف “ ہے امام ابن حبان رحمہ اللہ نے اس کا ذکر کتاب ” الثقات “ میں کیا ہے ۔

حسن بصری رضی اللہ عنہ بیان کرتے ہیں : نبی اکرم صلی اللہ علیہ وسلم نماز کے دوران اپنی داڑھی کو چھو لیتے تھے ۔
یہ روایت امام ابویعلیٰ نے نقل کی ہے ، اور یہ ” مرسل “ ہے ۔