مجمع الزوائد ومنبع الفوائد

سیدنا علی رضی اللہ عنہ بیان کرتے ہیں : نبی اکرم صلی اللہ علیہ وسلم نے ایک شخص کو دیکھا جو دوسرے کی طرف رُخ کر کے نماز ادا کر رہا تھا تو نبی اکرم صلی اللہ علیہ وسلم نے اسے یہ ہدایت کی کہ وہ اپنی نماز کو دہرائے اس شخص نے عرض کی : یا رسول اللہ ! میں نماز ادا کر رہا تھا اور آپ مجھے ملاحظہ فرما رہے تھے ۔
یہ روایت امام بزار نے نقل کی ہے ، اس کی سند میں ایک راوی عبدالاعلی تغلبی ہے ، اور وہ ” ضعیف“ ہے ۔

سیدنا ابوہریرہ رضی اللہ عنہ روایت کرتے ہیں : نبی اکرم صلی اللہ علیہ وسلم نے ارشاد فرمایا ہے : ” مجھے اس بات سے منع کیا گیا ہے کہ میں بات چیت کرنے والوں یا سونے والوں کے پیچھے ( یعنی ان کی طرف رُخ کر کے ) نماز ادا کروں “ ۔
یہ روایت امام طبرانی نے معجم اوسط میں نقل کی ہے ، اس کی سند میں ایک راوی محمد بن عمرو بن علقمہ ہے ، جس سے استدلال کرنے کے بارے اختلاف کیا گیا ہے ۔