مجمع الزوائد ومنبع الفوائد

سیدہ ام ایمن رضی اللہ عنہا بیان کرتی ہیں : نبی اکرم صلی اللہ علیہ وسلم نے فرمایا : مجھے مسجد سے چٹائی پکڑا دو میں نے عرض کی : میں حائضہ ہوں ۔ نبی اکرم صلی اللہ علیہ وسلم نے فرمایا : تمہارا حیض تمہارے ہاتھ میں نہیں ہے ۔
یہ روایت امام طبرانی نے معجم کبیر میں نقل کی ہے ، اس کی سند میں یہ مذکور ہے ، اسے ابونعیم نے صالح بن رستم سے نقل کیا ہے ۔ اگر تو ابونعیم سے مراد فضل بن دکین ہے ، تو پھر اس روایت کے تمام رجال ” ثقہ “ ہیں ، اگرچہ ضرار بن صرد نامی راوی ” ضعیف “ ہے باقی اللہ بہتر جانتا ہے ، اس موضوع سے متعلق دیگر روایات طہارت سے متعلق باب میں گزر چکی ہیں ۔