مجمع الزوائد ومنبع الفوائد

مرہ ہمدانی بیان کرتے ہیں : میں نے یہ طے کیا کہ میں مسجد کوفہ کے ہر ایک ستون کے پاس دو رکعات ادا کروں گا میں اس طرح نماز ادا کر رہا تھا اسی دوران سیدنا عبداللہ بن مسعود رضی اللہ عنہ مسجد میں تشریف لے آئے میں ان کے پاس آیا تاکہ انہیں اپنے معاملے کے بارے میں بتاؤں تو ایک شخص مجھ سے پہلے ان کے پاس پہنچ گیا اس نے انہیں میرے طرز عمل کے بارے میں بتایا تو سیدنا عبداللہ بن مسعود رضی اللہ عنہ نے فرمایا : اگر یہ شخص یہ بات جانتا ہو کہ اللہ تعالیٰ قریبی ستون کے پاس بھی ہے ، تو وہ نماز مکمل کرنے سے پہلے اس ستون سے آگے نہ جاتا ۔
یہ روایت امام طبرانی نے نقل کی ہے ، اس کی سند میں ایک راوی عطاء بن سائب ہے ، جو اختلاط کا شکار ہو گیا تھا ۔