مجمع الزوائد ومنبع الفوائد

وَعَنْ خَارِجَةَ بْنِ عُمَرَ - وَكَانَ حَلِيفًا لِأَبِي سُفْيَانَ فِي الْجَاهِلِيَّةِ - عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - أَنَّهُ قَالَ : " يَا أَيُّهَا النَّاسُ لَا يَحِلُّ لِي وَلَا لِأَحَدٍ مِنْ مَغَانِمِ الْمُسْلِمِينَ مَا يَزِنُ هَذِهِ الْوَبَرَةَ - وَأَخَذَ وَبَرَةً مِنْ غَارِبِ نَاقَتِهِ - بَعْدَ الَّذِي فَرَضَ اللَّهُ لِي " . ¤ رَوَاهُ الطَّبَرَانِيُّ وَفِيهِ شَهْرُ بْنُ حَوْشَبٍ وَهُوَ ضَعِيفٌ . ¤

سیدنا خارجہ بن عمر رضی اللہ عنہ جو زمانہ جاہلیت میں سیدنا ابوسفیان رضی اللہ عنہ کے حلیف تھے ، وہ نبی اکرم صلی اللہ علیہ وسلم کے حوالے سے یہ بات نقل کرتے ہیں : آپ صلی اللہ علیہ وسلم نے ارشاد فرمایا : ” اے لوگو ! مسلمانوں کے مال غنیمت میں سے میرے لئے اور کسی کے لئے بھی اتنی چیز بھی حلال نہیں ہے ، جو اس بال کے وزن جتنی ہو “ ۔ نبی اکرم صلی اللہ علیہ وسلم نے اپنی اونٹنی کی پشت سے ایک بال لے کر یہ بات ارشاد فرمائی تھی : ” جو اُس کے بعد ( یعنی اُس کے علاوہ ) ہو ، جو اللہ تعالیٰ نے میرا حصہ مقرر کیا ہے “ ۔
یہ روایت امام طبرانی نے نقل کی ہے ۔ اس کی سند میں ایک راوی شہر بن حوشب ہے اور وہ ضعیف ہے ۔