وَعَنِ ابْنِ عَبَّاسٍ قَالَ : وُلِدَ النَّبِيُّ - صَلَّى اللَّهُ عَلَيْهِ وَسَلَّمَ - يَوْمَ الِاثْنَيْنِ ، وَاسْتُنْبِئَ يَوْمَ الِاثْنَيْنِ ، وَخَرَجَ مُهَاجِرًا مِنْ مَكَّةَ إِلَى الْمَدِينَةِ يَوْمَ الِاثْنَيْنِ ، وَقَدِمَ الْمَدِينَةَ يَوْمَ الِاثْنَيْنِ ، وَتُوُفِّيَ - صَلَّى اللَّهُ عَلَيْهِ وَسَلَّمَ - يَوْمَ الِاثْنَيْنِ ، وَرَفَعَ الْحَجَرَ الْأَسْوَدَ يَوْمَ الِاثْنَيْنِ . ¤ رَوَاهُ أَحْمَدُ ، وَالطَّبَرَانِيُّ فِي الْكَبِيرِ ، وَزَادَ فِيهِ : وَفَتَحَ بَدْرًا يَوْمَ الِاثْنَيْنِ ، وَنَزَلَتْ سُورَةُ الْمَائِدَةِ يَوْمَ الِاثْنَيْنِ ( الْيَوْمَ أَكْمَلْتُ لَكُمْ دِينَكُمْ ) . ¤ وَفِيهِ ابْنُ لَهِيعَةَ ، وَهُوَ ضَعِيفٌ ، وَبَقِيَّةُ رِجَالِهِ ثِقَاتٌ مِنْ أَهْلِ الصَّحِيحِ . ¤سیدنا عبداللہ بن عباس رضی اللہ عنہما بیان کرتے ہیں : نبی اکرم صلی اللہ علیہ وسلم پیر کے دن پیدا ہوئے ، پیر کے دن آپ صلی اللہ علیہ وسلم کو نبوت ملی ، پیر کے دن آپ صلی اللہ علیہ وسلم ہجرت کرنے کے لیے مکہ سے نکل کر مدینہ کی طرف روانہ ہوئے ، پیر کے دن آپ صلی اللہ علیہ وسلم مدینہ تشریف لائے ، پیر کے دن آپ کا وصال ہوا ، آپ صلی اللہ علیہ وسلم نے حجر اسود پیر کے دن اٹھایا تھا ۔
یہ روایت امام أحمد نے ( اپنی مسند میں ) اور امام طبرانی نے معجم کبیر میں نقل کی ہے ، اس میں یہ الفاظ زائد ہیں : ” آپ صلی اللہ علیہ وسلم نے غزوہ بدر میں پیر کے دن کامیابی حاصل کی ، سورہ مائدہ کی یہ آیت پیر کے دن نازل ہوئی : ” آج کے دن میں نے تمہارے لئے تمہارے دین کو مکمل کر دیا “ ۔ ۔ ۔ ۔ ۔ ۔ ۔ الخ اس روایت کی سند میں ایک راوی ابن لہیعہ ہے اور وہ ضعیف ہے جبکہ اس روایت کے بقیہ رجال ثقہ ہیں ، اور وہ صحیح کے راویوں میں سے ہیں ۔
